നാഴിയുരി വെള്ളം കൊണ്ടും നന

വൃക്ഷവിളകൾക്കായുള്ള രാജ്യത്തെ പ്രഥമ സൂക്ഷ്മ ജലസേചന പദ്ധതി

വിദൂരഗ്രാമങ്ങളിൽ പോലും കുടിവെള്ളമെത്തിക്കുന്ന വിളകൾക്ക് ദാഹജലമെത്തിക്കുന്നതിൽ നാം ഏറെ പിന്നിലാണ്. ഈ കുറവ് പരിഹരിക്കുകയാണ് പാലക്കാട് ജില്ലയിലെ ചിറ്റൂരിൽ ജലസേചന വകുപ്പിന്റെ സാമൂഹിക സൂക്ഷ്മ ജലസേചന പദ്ധതി.

ചേർന്നു കിടക്കുന്ന കൃഷിയിടങ്ങൾക്കു പൊതുവായി തുള്ളിനനയൊരുക്കുന്ന കമ്യൂണിറ്റി ഡ്രിപ് ഇറിഗേഷൻ തന്നെയാണ് ചിറ്റൂരിനു വേണ്ടതെന്ന് ആദ്യം തിരിച്ചറിഞ്ഞത് കർഷകൻ കൂടിയായ മന്ത്രി കൃഷ്ണൻകുട്ടി. അദ്ദേഹം ജലസേചനമന്ത്രിയായിരുന്നപ്പോഴാണ് കേരളത്തിലാദ്യമായി ചിറ്റൂരിലെ കരടിപ്പാറയിൽ സാമൂഹിക ജലസേചന പദ്ധതിക്കു തുടക്കമിട്ടത്.