ജൈസലിനു കൃഷി ഫുഡ് ബിസിനസ്

150 ഏക്കറിൽ ഭക്ഷ്യവിളകൾ

മലപ്പുറം പരപ്പനങ്ങാടിയിലെ ജൈസലിനെ കർഷകശ്രീ വായനക്കാർ മറക്കാനിടയില്ല. 17 വർഷം മുൻപ് ഉപ്പയുടെ രണ്ടരയേക്കറിൽ കൃഷി ചെയ്തു തുടങ്ങിയ ഈ യുവ കർഷകൻ ഇന്നു കൃഷി ചെയ്യുന്നതു 150 ഏക്കറിലേറെ ഭൂമിയിൽ. ഇതിൽ 5 ഏക്കർ ഭൂമി സ്വന്തവും ബാക്കി പാട്ടവു മാണ്. 5 ഏക്കർ വാങ്ങിയതോ പാട്ടക്കൃഷിയിലെ ആദായ ത്തിലൂടെയും. നെല്ലും പച്ചക്കറിയും വാഴയും പ്രധാന വിളകൾ. ലാഭസാധ്യത കുറഞ്ഞ നെല്ലും പച്ചക്കറിയും കൃഷി ചെയ്ത് വർഷംതോറും ഒന്നരക്കോടി രൂപയിലേറെ വിറ്റുവരവു നേടുന്ന ജൈസൽ ഇക്കഴിഞ്ഞ സീസണിൽ 300 ടൺ നെല്ലാണ് ഉൽപാദിപ്പിച്ചത്. നാടിന്റെ ഭക്ഷ്യസുര ക്ഷയിൽ ശ്രദ്ധേയമായ സംഭാവന നൽകുന്നതിനൊപ്പം സ്വന്തം നഗരസഭയെ തരിശുരഹിതമാക്കാനും അദ്ദേഹത്തിനു കഴിയുന്നു.

വളർച്ചയുടെ പടവുകൾ

ഏക്കറു കണക്കിനു ഭൂമി ഒറ്റയടിക്കു പാട്ടത്തിനെടുത്തല്ല താൻ വലിയ കൃഷിക്കാരനായതെന്നു ജൈസൽ. മിതമായ തോതിൽ സ്ഥലം ഏറ്റെടുത്ത് കൃഷി നടത്തുകയും അതിലെ വരുമാനം മുടക്കി കൂടുതൽ കൃഷിയിടം പാട്ടത്തിനെടുത്തു കൃഷിയിറക്കുകയുമാണു ചെയ്യുന്നത്. കൃഷിയിലൂടെ മികച്ച ജീവിതനിലവാരം ലക്ഷ്യമിട്ടു കാര്യങ്ങൾ ആസു ത്രണം ചെയ്തതാണ് വിജയരഹസ്യം. ആദ്യകാലത്തെ വരുമാനത്തിന്റെ ഒരു ഭാഗം കൃഷി വിപുലപ്പെടുത്താനായി പുനർ നിക്ഷേപിച്ചു. കൂടുതൽ വരുമാനമുണ്ടായപ്പോൾ സ്വന്തമായി സ്ഥലം വാങ്ങി. നാട്ടിൽ തരിശുകിടക്കുന്ന കൃഷിയിടങ്ങളെ സ്വന്തം വളർച്ചയ്ക്ക് വളമാക്കുകയായിരുന്നു ജൈസൽ. വീണ്ടും വീണ്ടും കൃഷിയിൽ നിക്ഷേപം നടത്തി വരുമാന വളർച്ച ഉറപ്പാക്കാൻ കാണിച്ച നിഷ്കർഷയാണ് ജയ്സലിനെ വമ്പൻ കർഷകനാക്കിയത്. അടുത്ത സീസണിൽ 200 ഏക്കറിലേക്ക് കൃഷി വ്യാപിപ്പിക്കാനാണ് നോട്ടം.

വിലപേശൽശേഷിയുണ്ടാകും