നായ വാലാട്ടുന്നത് സ്നേഹം കൊണ്ടോ

നായയുടെ വികാരപ്രകടനങ്ങൾ പലതരത്തിലാകാം. ശബ്ദത്തിലൂടെ മാത്രമല്ല, ശരീരഭാഷയിലൂടെയും അവ നമ്മോട് പലതും പറയുന്നു. ഓരോ ശരീരചലനത്തിലൂടെയും അവ പറയുന്നത് എന്താണ്? അറിയാം ഈ ലക്കം മുതൽ പുതിയ പംക്തി

- അരുമകൾ / ശരീരഭാഷ ഡോ. ജോബി ജോർജ് മെഡിക്കൽ ഡയറക്ടർ, പെറ്റ് ട്രസ്റ്റ് വെറ്ററിനറി സ്പെഷ്യൽറ്റി ഹോസ്പിറ്റൽ, കാക്കനാട്, എറണാകുളം. ഫോൺ: 6235806115

നായയുടെ ഒരു പ്രധാന ആശയവിനിമയമാർഗമാണ് വാലാട്ടൽ. വ്യത്യസ്ത തരത്തിലുള്ള വാലാട്ടലുകൾ സൂചിപ്പിക്കുന്നത് എന്തൊക്കെയെന്നു നോക്കാം.

സന്തോഷവും സൗഹൃദവും: ശാന്തമായ ചലനങ്ങളോടെ, അയഞ്ഞതും വിശാലവുമായി വാലാട്ടുന്നത് പൊതുവേ സന്തോഷത്തെയും സൗഹൃദത്തെയും സൂചിപ്പിക്കുന്നു. പലപ്പോഴും ശാന്തമായ ശരീരഭാവം കളിക്കാനുള്ള താൽപര്യം സൂചിപ്പിക്കുന്നു.