മാവേലിക്ക് അവധി നീട്ടിക്കിട്ടി

കൃഷിവിചാരം

- കെ.ആർ. പ്രമോദ് ഫോൺ: 9447809631 ഇ- മെയിൽ: krpramodmenon@gmail.​com

മാവേലി പാതാളത്തിൽനിന്ന് ചിങ്ങത്തിൽ വന്നു മടങ്ങുന്നു എന്നാണല്ലോ വിശ്വാസം. എന്നാൽ, പാതാളത്തിൽനിന്ന് അദ്ദേഹത്തിന് ഒരു മാസം കൂടി അവധി നീട്ടിക്കിട്ടിയ കാലമുണ്ടായിരുന്നു: കന്നിയിലും തിരുവോണം ആഘോഷിച്ചിരുന്ന കാലം. അക്കാലം കന്നിയോണം കൂടി കഴിഞ്ഞ മാവേലി പാതാളത്തിലേക്കു മടങ്ങിയിരുന്നുള്ളൂ. ഭാരതപ്പുഴയ്ക്ക വടക്കുള്ളവർ കന്നിയോണമാണ് പണ്ട് തിരുവോണമായി ആഘോഷിച്ചിരുന്നത്. കന്നിമാസം ഒന്നാം തീയ തിക്ക് വടക്കൻ കേരളത്തിൽ കന്യാറൊന്ന്' എന്നാണു പറയുക. കന്നി, ആറ്, ഒന്ന് എന്നിവ യോജിച്ചാണ് ഈ പേരു വന്നത്. അതായത്, കന്നിമാസം ആറാം തീയതി ആണ്ടുപിറപ്പ്. കൊല്ലവർഷം ആരംഭിച്ച വിവരം വട ക്കൻകേരളത്തിൽ അറിഞ്ഞപ്പോഴേക്കും ചിങ്ങം കടന്ന് കന്നി ആറ് ആയത്. കൊല്ലവർഷം നിലവിൽവന്ന കാര്യം അറിയിക്കാൻ പോയ ദൂതൻ കാടും മേടും ഭാരതപ്പുഴയും കടന്ന് അവിടെ ചെന്നപ്പോഴേക്കും മാസം ഒന്നു കഴിഞ്ഞു!

പത്തായത്തിൽ ഒരുമണി നെല്ലില്ല