കടക്കെണിയിൽനിന്ന് രക്ഷിച്ചത് മത്സ്യങ്ങൾ

മത്സ്യക്കൃഷിയിൽ അജയനു 12 ലക്ഷം രൂപ പ്രതിവർഷ വരുമാനം

- എസ്. മനോജ്

വലിയൊരു കടബാധ്യതയിൽ നിന്ന് മത്സ്യങ്ങൾ കര കയറ്റിയ കഥയാണ് തിരുവനന്തപുരം കള്ളിക്കാട് കാളിപ്പാറ അജയകുമാറിന്റേത്. 10 വർഷം മുൻപ് മാർബിൾ, ഗ്രാനൈറ്റ് കച്ചവടത്തിലുണ്ടായ നഷ്ടം കടക്കെണിയായി ജീവിതം വഴി മുട്ടിയ കാലത്താണ് മത്സ്യങ്ങൾ അജയന്റെ രക്ഷകരാകുന്നത്. സ്വന്തമായി രണ്ടരയേക്കർ സ്ഥലമുണ്ടായിരുന്നെങ്കിലും വന്യജീവിശല്യം മൂലം അവിടെ കൃഷി ചെയ്യാനാകുമായിരുന്നില്ല. ഇന്ന് ഈ സ്ഥലത്ത് ചെറുതും വലുതുമായുള്ള ഒട്ടേറെ മത്സ്യക്കുളങ്ങൾ. ഗപ്പി മുതൽ വളർത്തു മത്സ്യങ്ങളിലെ ഭീമന്മാരായ ജയന്റ് ഗൗരാമി കൾവരെ ഈ കുളങ്ങളിൽ വളരുന്നു.