ഇതൊക്കെ ശ്രദ്ധിച്ചാൽ സ്ട്രോക്ക് പ്രതിരോധിക്കാം

സ്ട്രോക്ക് എന്താണ് അത് എങ്ങനെ തിരിച്ചറിയാം, എന്തെക്കെ ചികിത്സകൾ ലഭമാണ്. എങ്ങനെ വരാതെ നോക്കാം?

- ഡോ. സുശാന്ത് എം.ജെ.

ജീവിതശൈലി രോഗമായ സ്ട്രോക്ക് പ്രതിരോധിക്കാവുന്ന അവസ്ഥയാണ്. സ്ട്രോക്ക് എന്താണ്, അത് എങ്ങനെ തിരിച്ചറയാം, എന്തൊക്കെ ചികിത്സകൾ ലഭ്യമാണ്, എങ്ങനെ വരാതെ നോക്കാം എന്നതിനെ പറ്റി അറിയണം.

സ്ട്രോക്ക് പ്രതിരോധത്തിൽ ഏറ്റവും പ്രധാനപ്പെട്ടത് സമയമാണ്. നഷ്ടപ്പെടുന്ന ഓരോ നിമിഷവും തിരിച്ചുപിടിക്കാൻ കഴിഞ്ഞാൽ നമുക്ക് രക്ഷിക്കാൻ കഴിയുന്നത് ഒരു ജീവനാണ്.

സ്ട്രോക്കിന്റെ ലക്ഷണങ്ങൾ തിരിച്ചറിയാൻ വൈകുന്നതാണ് പലപ്പോഴും ചികിത്സയിൽ കാലതാമസം ഉണ്ടാക്കുന്നത്. പാഴാക്കുന്ന ഓരോ മിനുട്ടിലും തലച്ചോറിലെ ഒരു ദശലക്ഷം കോശങ്ങളാണ് നശിച്ചുകൊണ്ടിരിക്കുന്നത്. സ് ട്രോക്ക് ചികിത്സയിൽ ഓരോ മിനുട്ടും പ്രധാനപ്പെട്ടതാണ്. എത്രയും നേരത്തെ ചികിത്സ ആരംഭിച്ചാൽ തലച്ചോറിനുണ്ടാകുന്ന തകരാറു കഴിയുന്നത് കുറയ്ക്കാൻ സാധിക്കും.

എന്താണ് സ്ട്രോക്ക്?

തലച്ചോറിലേക്ക് പോകുന്ന ഒന്നോ അതിലധികമോ രക്ത ധമനികളുടെ തകരാറ് മൂലം തലച്ചോറിന്റെ പ്രവർത്തനത്തിന് പെട്ടെന്നുണ്ടാകുന്ന ആഘാതമാണ് സ്ട്രോക്ക്. സാധാരണയായി 55 വയസ്സ് കഴിഞ്ഞവരിലാണ് ഈ അവസ്ഥ കൂടുതലായും കാണുന്നത്.

കാരണങ്ങൾ

സ്ട്രോക്ക് ജീവിതശൈലി രോഗമാണ്. പുകവലി, അമിതവണ്ണം, വ്യായാമത്തിന്റെ അഭാവം, തെറ്റായ ആഹാരക്രമം, അമിത മദ്യപാനം എന്നിവ സ്ട്രോക്ക് വരാനുള്ള പ്രധാന കാരണങ്ങളാണ്. അമിത രക്തസമ്മർദ്ദം ഉള്ളവരിൽ ാക്ക് വ രാനുള്ള സാധ്യത വളരെ കൂടുതലാണ്. അതു പോലെ പ്രമേഹം, ഉയർന്ന കൊളസ്ട്രോളിന്റെ അളവ് ഉള്ളവരിലും സ്ട്രോക്ക് ഉണ്ടാകാം. ഹാർട്ട് അറ്റാക്ക് വന്നവരിൽ, ഹൃദയ വാൽവ് സംബന്ധമാ യ തകരാറുകൾ ഉള്ളവരിൽ, ഹൃദയമിടിപ്പ് ക്രമം അല്ലാത്തവർ, ഇവരിലൊക്കെ സ്ട്രോക്കിനുള്ള സാധ്യത വളരെ കൂടുതലാണ്.

എങ്ങനെ തിരിച്ചറിയാം?