രോഗമഴ നനയരുത്

മഴക്കാലം വളരെയധികം സാംക്രമിക രോഗങ്ങളുടെയും ജന്തുജന്യ രോഗങ്ങളുടെയും കാലമാണ്. അവയിൽ ചില രോഗങ്ങളെയും അവയുടെ ലക്ഷണങ്ങളെയും ചികിത്സയെയും അറിയാം.

- ഡോ. ഹേമലത പി. കൺസൾട്ടന്റ് ഇൻ മെഡിസിൻ എസ്.യു.ടി. ആശുപത്രി പട്ടം, തിരുവനന്തപുരം

വെള്ളത്തിൽ കൂടി പകരുന്ന രോഗങ്ങൾ

വയറിളക്ക രോഗങ്ങൾ സാധാരണ അക്യൂട്ട് ഡയേറിയൽ ഡിസീസ് എന്നറിയപ്പെടുന്നവ, വൈറസ്, പലതരം ബാക്ടീരിയകൾ (സാൽമൊണല്ല, ഇ.കോളി തുടങ്ങിയവ കൊണ്ടും മറ്റ് പരാദങ്ങൾ കൊണ്ടും (അമീബ) ഉണ്ടാകാം. അസുഖമുള്ള ആളുടെ വിസർജ്യം കുടിക്കുന്ന വെള്ളത്തിലൂടെയോ, ഭക്ഷണത്തിലൂടെയോ ഇനിയൊരാൾക്ക് പകരുന്നു.

വയറിളക്കം, വയറുവേദന, ഛർദ്ദി, ക്ഷീണം തുടങ്ങിയ ലക്ഷ്യങ്ങളോടെ പ്രത്യക്ഷപ്പെടുന്ന ഇത് 2 - 8 ദിവസം നീണ്ടുനിൽക്കാം. രക്തം കലർന്ന മലം, അമിതമായ ക്ഷീണം, ബോധം മറയുക തുടങ്ങിയവ മാരകമായേക്കാവുന്ന രോഗ ലക്ഷണങ്ങളിൽപ്പെടുന്നു. കൂടുതൽ മാരകമായ വയറുകടിയുടെയും ലക്ഷണങ്ങളായേക്കാം.

രോഗനിർണ്ണയത്തിന് രക്തപരിശോധനയും മലം പരിശോധനയും ഉൾപ്പെടെയുള്ള പരിശോധനകൾ ചെയ്യുന്നു. ആന്റിബയോട്ടിക് മരുന്നുകളാണ് ബാക്ടീരിയൽ വയറിളക്ക രോഗങ്ങളുടെയും ടൈഫോയ്ഡ് തുടങ്ങിയവയുടെയും ചികിത്സ. വൈറസ് ബാധ മൂലമുണ്ടാകുന്ന വയറിളക്ക രോഗങ്ങൾക്ക് നിർജ്ജലീകരണം ചികിത്സിക്കുക തുടങ്ങിയവ മാത്രം മതിയാകും.

 കൊതുകുജന്യ രോഗങ്ങളിൽ