കാൻസർ രോഗികളുടെ പച്ചത്തുരുത്ത്

രോഗബാധിതരുടെ ജീവിതത്തിൽ സന്തോഷവും സമാധാനവും സംതൃപ്തിയും കൊണ്ടുവരാൻ തത്ത്വ പ്രയത്നിക്കുന്നു. ക്യാൻസർ ബാധിതരുടെ ജീവിതനിലവാരം ഉയർത്തുന്നതിനും അവരുടെ യാത്രയിൽ ആശ്വാസവും ആത്മവിശ്വാസവും ഉറപ്പുവരുത്തുന്നതിനും തത്ത്വ ഫൗണ്ടേഷൻ നിസ്വാർത്ഥമായി പരിശ്രമിക്കുന്നു.

തിരുവനന്തപുരം നഗരത്തിന് സമീപം സ്ഥിതി ചെയ്യുന്ന തത്ത്വ പാലിയേറ്റീവ് ആൻഡ് റീഹാബിലിറ്റേഷൻ ഫൗണ്ടേഷൻ കാൻസർ രോഗികൾക്ക് ഒരു കൈത്താങ്ങാണ്. കാൻസർ ബാധിതർക്ക് ഈ അഭയകേന്ദ്രം മികച്ച പരിചരണം സൗജന്യമായി ലഭ്യമാക്കുന്നു. രോഗബാധിതരുടെ ജീവിതത്തിൽ സന്തോഷവും സമാധാനവും സംതൃപ്തിയും കൊണ്ടുവരാൻ തത്ത്വ പ്രയത്നിക്കുന്നു. ക്യാൻസർ ബാധിതരുടെ ജീവിതനിലവാരം ഉയർത്തുന്നതിനും അവരുടെ യാത്രയിൽ ആശ്വാസവും ആത്മവിശ്വാസവും ഉറപ്പുവരുത്തുന്നതിനും തത്ത്വ ഫൗണ്ടേഷൻ നിസ്വാർത്ഥമായി പരിശ്രമിക്കുന്നു.

തിരുവനന്തപുരം വെമ്പായം പഞ്ചായത്തിലെ മന്നയം, മൂന്നാനക്കുഴിയിലാണ് ഈ കേന്ദ്രം പ്രവർത്തിക്കുന്നത്. ഉയർന്ന പ്രദേശത്ത് സ്ഥിതി ചെയ്യുന്ന തത്ത്വ കേന്ദ്രം പച്ചപ്പിന്റെ ഒരു തുരുത്താണ്. ഇവിടെ ഏത്തുന്ന രോഗികൾക്ക് സഹായത്തിനായി പ്രൊഫഷണൽ സ്റ്റാഫിന്റെ പിന്തുണയും, ഒപ്പം ശാന്തിയും സമാധാനവും തത്ത്വ ഫൗണ്ടേഷൻ ഉറപ്പാക്കുന്നു.

അതിഥികൾക്കുള്ള ഭക്ഷണം തത്ത്വ കോമ്പൗണ്ടിൽ നിന്ന് വിളവെടുത്ത ഉല്പന്നങ്ങളിൽ നിന്നാണ് തയ്യാറാക്കുന്നത്. ഇവിടുത്തെ അടുക്കളയിൽ സസ്യാഹാരവും മാംസാഹാരവും ലഭ്യമാണ്. വൃത്തിയുള്ളതും വിശാലവുമായ മുറികൾ അതിഥികൾക്ക് ഉണർവും പ്രസരിപ്പും ഉറപ്പാക്കുന്നു.