પીઠના દુખાવાને હળવાશથી ન લેવો પડશે ભારી

શરીરના કોઈ પણ ભાગમાં પીડા થતી હોય, કેટલીકવાર ભોગ બનનાર વ્યક્તિ માટે એકદમ હેરાન કરવાવાળું બની જાય છે અને તેની દિનચર્યા અને કાર્યક્ષમતાને પણ અસર કરે છે. કમરનો દુખાવો પણ તેમાંથી એક છે. આજની લાઈફસ્ટાઈલ અને ખરાબ પોશ્ચરનાં કારણે અનેક લોકો કમરનાં દુખાવાથી પીડિત છે પેજ નંબર (30) પર યોગ્ય પોશ્ચર વિષે વિસ્તૃત વિવરણ આપેલું છે જેના દ્વારા તમે તમારું પોશ્ચર યોગ્ય છે કે નહિ તે જાણી શકો છો. આજે કમરનો દુખાવો રોગચાળાનું સ્વરૂપ લઈ રહ્યો છે. પહેલા જ્યાં 40 વર્ષથી વધુ ઉંમરના લોકોને હાડકાં નબળા પડવાને કારણે આ સમસ્યા થતી હતી, ત્યાં આજે બદલાતી લાઈફ સ્ટાઈલ અને અસંતુલિત ખાનપાનની આદતોના કારણે આ બીમારી યુવાનોમાં પણ જોવા મળી રહી છે. કમરના દુખાવાને કારણે ઉઠવા, બેસવા, ચાલવા અને સુવા જેવી દૈનિક એક્ટિવિટી કરવામાં સમસ્યા ઊભી થાય છે.

પીઠનો દુખાવો શું છે?:

કરોડરજ્જુ, તેની પેશીઓ, ચેતા, સ્નાયુઓ, અસ્થિબંધન અને ડિસ્ક પર દબાણ અથવા કોઈપણ પ્રકારની અગવડતા હોય ત્યારે પીઠનો દુખાવો શરૂ થાય છે. આ કારણે પીઠના અલગ અલગ ભાગમાં કે એક જ જગ્યાએ દુખાવો થઈ શકે છે. આ દુખાવો ગળાથી નીચે પીઠ સુધી અથવા સ્લિપ ડિસ્ક કે સાઇટિકાના કિસ્સામાં પગ સુધી જઈ શકે છે. એક રિસર્ચ અનુસાર દુનિયાભરમાં ડોક્ટર પાસે જવાનું બીજું સૌથી મોટું કારણ પીઠનો દુખાવો છે.

ઉંમર પ્રમાણે પીઠનો દુખાવો: 

સામાન્ય રીતે કિશોરાવસ્થામાં સ્નાયુઓના તાણ કે સ્પોન્ડિલાઇટિસને થવાના કારણે દુખાવો થતો હોય છે. ઉંમર વધતા વર્કિંગ યુવાનો, જે કલાકો સુધી એક જ ખુરશી પર બેસીને સતત કામ કરે છે. તેમાં કમરના દુખાવાનું મુખ્ય કારણ ડિસ્કનું ડિજનરેશન છે, જેનાથી પીઠનો દુખાવો શરૂ થાય છે. નાની ઉમરના યુવાનો ( 1 5 – 2 5 વર્ષ) સંધિવા- બાયએન્ડીલોસિંગ સ્પોન્ડિલાઇટિસનાં કારણે પીઠના દુખાવાનું કારણ બને છે. આમાં, દર્દી સવારે ઉઠે ત્યારે આખા શરીરમાં, ખાસ કરીને પીઠમાં, ખૂબ જ અક્કડ થઈ જાય છે.

સ્લિપ ડિસ્ક પણ પીડાનું મુખ્ય કારણ છે.: