മൂക്ക് ശ്വാസത്തിന്റെയും ഗന്ധത്തിന്റെയും വഴി

ശരീരത്തിലേക്കുള്ള ജീവവായുവിന്റെ സഞ്ചാര വഴിയാണ് മൂക്ക്. മാത്രമല്ല ഗന്ധങ്ങൾ തിരിച്ചറിയാനും രുചിയും ഗന്ധവും തമ്മിൽ ഏകോപിപ്പിക്കാനുള്ള പ്രവർത്തനങ്ങളുമൊക്കെ മൂക്കിൽ നിരന്തരം തുടർന്നു കൊണ്ടിരിക്കുന്നു

ജീവവായുവിന്റെ സഞ്ചാര വഴിയായ മൂക്കിൽ പല തരത്തിലുള്ള പ്രശ്നങ്ങളും പലപ്പോഴും ഉണ്ടാകാറുണ്ട്. സൈനസുകൾക്കുണ്ടാകുന്ന പഴുപ്പ്, മൂക്കിന്റെ പാലത്തിലുണ്ടാകു ന്ന വളവും അനുബന്ധ പ്രശ്നങ്ങളും, മൂക്കിലെ ദശ വളർച്ച, അഡിനോയ്ഡ് ഗ്രന്ഥിയിലെ നീർക്കെട്ട് തുടങ്ങിയ പ്രശ്നങ്ങളെല്ലാം ഇതിൽ ഉൾപ്പെടുന്നു. ഇത്തരം രോഗാവസ്ഥകളുടെ സൂചനകളായി പ്രത്യക്ഷപ്പെടുന്ന ലക്ഷണങ്ങളെ അവഗണിക്കാതെ കൃത്യമായ ചികിത്സ തേടാൻ എപ്പോഴും ശ്രദ്ധിക്കണം.