സംതൃപ്തിയുടെ സൂക്ഷ്മഭാഷ്യങ്ങൾ

എല്ലാത്തിലും മിതത്വം പാലിക്കലോ, ഉള്ളതിൽ തൃപ്തനാവുകയോ അല്ല സംതൃപ്തിയെന്നത്. ഒരു വ്യക്തിക്ക് സംതൃപ്തനാവാൻ സാധിക്കുമ്പോൾ അതാണ് മിതത്വം

- ധ്യാൻതർപൺ

കൂടുതൽ നേടിയാൽ കൂടുതൽ സംതൃപ്തനാവും എന്ന് ആത്മഗതം നടത്തിക്കൊണ്ടിരിക്കുന്നവരുണ്ട്. കൂടുതൽ നേടുന്നതിനനുസരിച്ച് കൂടുതൽ സംതൃപ്തരായെന്നുവരാം. കുറച്ചു നേരത്തേക്കെങ്കിലും, എന്നാൽ, സംതൃപ്തി. അത് കൂടുതൽ കുറവിന്റെ താരതമ്യതലത്തിൽ വരുന്ന ഒരു തോന്നില്ല. അത് ഒരു വ്യക്തിയുടെ ഗ്രാഹ്യത്തിന്റെ ബോധ്യത്തിന്റെ ധാരണയുടെ പശ്ചാത്തലത്തിൽ സംഭവിക്കുന്ന കൃതജ്ഞതാ ഭാവമാണ്.

സംതൃപ്തമായ ജീവിതത്തെപ്പറ്റിയുള്ള സൂചനയെന്നോണം ഈയടുത്ത കാലത്ത് ലോകശ്ര ദ്ധയാകർഷിച്ച ഒരു പദമുണ്ട്. ലാഗോം (Lagom). ഒരു സ്വീഡിഷ് ആശയമാണത്, സ്വീഡൻകാരുടെയിടയിൽ പ്രചാരത്തിലിരുന്ന ഒരു ജീവിതസമീപനം. എല്ലാ കാലത്തും എല്ലാ ഭാഷകളിലും ഇതുപോലുള്ള ആശയങ്ങളും പ്രയോഗങ്ങളും കണ്ടെത്താൻ സാധിക്കുമെന്നാണ് തോന്നുന്നത്.

Lagom എന്നതിന് ഇത് ധാരാളം' എന്ന് ഏകദേശം അർഥം പറയാം. ഏത് സന്ദർഭത്തിലും, ഏത് വസ്തുവിന്റെ ലഭ്യതയിലും, ഏത് മുഹൂർത്തത്തെയും ഒരാൾ തിരിച്ചറിയുന്നതാണ് Lagom വൈകാരിക അതായത് വേണ്ടതിലധികം എന്ന് അറിഞ്ഞുകൊണ്ട് അയാൾ സംതൃപ്തനാവുകയാണ്. സംതൃപ്തിയുടെ ഒരു ഭാഷയാണത്.