മുത്തിൾ ചമ്മന്തിമുതൽ ചായവരെ

ബുദ്ധിശക്തിക്കും ഓർമശക്തിക്കും ഉത്തമമായ ഔഷധമാണ് മുത്തിൾ. ഔഷധ ആവശ്യങ്ങൾക്ക് പുറമേ ഒട്ടേറെ വിഭവങ്ങൾ മുത്തിൾ ഉപയോഗിച്ച് തയ്യാറാക്കാവുന്നതാണ്

- ഡോ.കെ.എസ്.രജിതൻ സീനിയർ കൺസൾട്ടന്റ് ഔഷധിപഞ്ചകർമ ആശുപത്രി റിസർച്ച് ഇൻസ്റ്റിറ്റ്യൂട്ട്, തൃശ്ശൂർ [e-mail]

രസായനമായിട്ടാണ് ആയുർവേദത്തിൽ മുത്തിൾ വിശേഷിപ്പിക്കപ്പെടുന്നത്. നനവുള്ള പ്രദേശങ്ങളിൽ ഇത് വളരും. ബുദ്ധിശക്തിക്കും ഓർമശക്തിക്കും ഉത്തമമായ ഔഷധമാണിത്. മണ്ഡൂകപർണി എന്ന് സംസ്കൃതഭാഷയിൽ അറിയപ്പെടുന്ന മുത്തിളിന് കുടങ്ങൽ, മണ്ഡകി എന്നൊക്കെ പര്യായങ്ങളുമുണ്ട്. എപ്പിയേസിയേ സസ്യകുടുംബത്തിൽപ്പെടുന്ന ഇതിന്റെ ശാസ്ത്ര  നാമം സെന്റല്ലാ ഏഷ്യാറ്റിക്കാ എന്നാണ്. മുത്തിൾ സമൂലം ഔഷധയോഗ്യമാണ്. ആയുർവേദമുൾപ്പെടെ വിവിധ ചികിത്സാസമ്പ്രദായങ്ങളിൽ മുത്തിൾ ഉപയോഗിച്ചുവരുന്നു. പരമ്പരാഗതമായ ആഫ്രിക്കൻ ചികിത്സകളിലും ചൈനീസ് ചികിത്സകളിലും മുത്തിൾ ധാരാളമായി ഉപയോഗിക്കുന്നുണ്ട്. ഇൻഡൊനീഷ്യ, വിയറ്റ്നാം, തായ്ലാൻഡ്, ഓസ്ട്രേലിയ, ബംഗ്ലാദേശ്, ശ്രീലങ്ക എന്നീ രാജ്യങ്ങളിലും വിവിധതരം ഭക്ഷണാവശ്യങ്ങൾക്കായി മുത്തിൾ ഉപയോഗിച്ചു വരുന്നു.

മുത്തിൾ ചമ്മന്തി

ചേരുവകൾ: ഒരു പിടി മുത്തിൾ ഇല, നാളികേരം ചിരകിയത് മൂന്ന് സ്പൂൺ, പച്ചമുളക് മൂന്നെണ്ണം, ഉള്ളി മൂന്നെണ്ണം, ഉപ്പ് ആവശ്യത്തിന്.

തയ്യാറാക്കുന്ന വിധം: കഴുകിയെടുത്ത മുത്തിൾ ഇലകളും ചിരകിയ നാളികേരവും പച്ചമുളക്, ഉള്ളി, ഉപ്പ് എന്നിവയും ചേർത്തരച്ച് ചമ്മന്തിയാക്കി എടുക്കുക. ഇത് ആഹാരങ്ങൾക്കൊപ്പം കഴിക്കാം.

ഇതിൽ ആവശ്യത്തിന്റെ വെള്ളം ചേർത്ത് കടുകു പൊട്ടിച്ച് ചട്ണിയായും ഉപയോഗിക്കാം.

മുത്തിൾ സർബത്ത്

ചേരുവകൾ: മുത്തിൾ ഇലകൾ നിഴലിലുണക്കി ശീലപ്പൊടിയാക്കിയത്- 90 ഗ്രാം, വെള്ളം- ഒന്നരലിറ്റർ. പഞ്ചസാര- ഒരു കിലോഗ്രാം പഞ്ചസാരപ്പാനിയാക്കി വയ്ക്കുക.