തടയാം കുട്ടികളുടെ ലഹരി ഉപയോഗം

കുട്ടികളിലെ ലഹരി ഉപയോഗത്തെ സ്വാധീനിക്കുന്ന ഒട്ടേറെ സാമൂഹികവും മനഃശാസ്ത്രപരവുമായ ഘടകങ്ങളുണ്ട്. അവയെക്കുറിച്ചുള്ള ധാരണകൂടി സമൂഹത്തിനുണ്ടെങ്കിൽ മാത്രമേ കുട്ടികളിലെ ലഹരി ഉപയോഗത്തെ ഫലപ്രദമായി തടയാൻ സാധിക്കുകയുള്ളൂ

- ഡോ.ഗംഗ കൈലാസ് കൺസൾട്ടന്റ്സൈക്കോളജിസ്റ്റ് ആലപ്പുഴ

കുട്ടികളിലെ ലഹരി ഉപയോഗം തടയുന്നതിന്, ലഹരി വസ്തുക്കളുടെ മാരകമായ ഭവിഷ്യത്തുകളെപ്പറ്റിയുള്ള ബോധവത്കരണം മാത്രം പോര. കുട്ടികളിലെ മദ്യം- മയക്കു മരുന്ന് ഉപയോഗത്തെ സ്വാധീനിക്കുന്ന ഒരുപാട് സാമൂഹികവും മനഃശാസ്ത്രപരവുമായ ഘടകങ്ങൾ ഉണ്ട്. അതുകൊണ്ട് അവയെക്കുറിച്ചുള്ള ധാരണകുടി പൊതു സമൂഹത്തിനുണ്ടെങ്കിൽ മാത്രമേ കുട്ടികളിലെ ലഹരി ഉപയോഗത്തെ ഫലപ്രദമായി തടയാൻ സാധിക്കുകയു . കൗമാര പ്രായത്തിലാണ് ലഹരി ഉപയോഗം തുടങ്ങുന്നത് എന്നാണ് ഭൂരിഭാഗം പഠനങ്ങളും പറയുന്നത്. എന്തുകൊണ്ട് അല്ലെങ്കിൽ എന്തിനുവേണ്ടി ഇവർ ലഹരി ഉപയോഗിച്ചുതുടങ്ങി എന്നറിയുന്നത് ഇത് തടയാൻ ഏറ്റവും അറിഞ്ഞിരിക്കേണ്ട വസ്തുതയാണ്.

കുടുംബ സാഹചര്യം

ലഹരി ഉപയോഗിക്കണോ വേണ്ടയോ എന്ന് തീരുമാനമെടുക്കേണ്ടിവരുമ്പോൾ അതിനെ ഏറ്റവും ആദ്യം സ്വാധീനിക്കുന്ന ഘടകമാണ് കുടുംബപശ്ചാത്തലം. മാതാപിതാക്കൾ വേണ്ടത്ര സമയം കുട്ടികളുമായി ചെലവഴിക്കുന്നവരാണോ. എല്ലാ ദിവസവും കുട്ടികളു മായി സംസാരിച്ച് അവരുടെ പ്രശ്നങ്ങൾ അറിയുന്നവരും, മനസ്സിലാക്കുന്നവരുമാണോ. ലഹരിവസ്തുക്കൾ ഉപയോഗിക്കുന്നതിനോട് എന്ത് മനോഭാവം പുലർത്തുന്നവരാണ് തുടങ്ങി ഒട്ടനവധി കാര്യങ്ങൾ കുട്ടികളുടെ ലഹരി ഉപയോഗത്തെ സ്വാധീനിക്കുന്നവയാണ്. മാതാപിതാക്കൾ വീട്ടിലും സമൂഹത്തിലും സുഹൃത്തുക്കളോടൊപ്പവും ഒക്കെ എങ്ങനെയാണ് മദ്യവും മറ്റ് ലഹരി വസ്തുക്കളുമൊക്കെ ഉപയോഗിക്കുന്നത് എന്ന് കുട്ടികൾ നിരീക്ഷിക്കാറുണ്ട്. മുതിർന്നവരുടെ വാക്കുകളേക്കാൾ കുട്ടികളെ സ്വാധീനിക്കുന്നത് അവരുടെ പ്രവൃത്തികളാണ്. കല്യാണം. ഉത്സവങ്ങൾ തുടങ്ങിയ അവസരങ്ങളിലും മറ്റും ആഘോഷം എന്നതിന്റെ അർഥം എല്ലാവരും ചേർന്ന് മദ്യപിക്കുക എന്നതാണ് വീട്ടിൽനിന്ന് അവർ മനസ്സിലാക്കുന്നതെങ്കിൽ അവരും അതേരീതിയിൽ ചിന്തിക്കുന്നതിൽ തെറ്റ് പറയാനാകില്ല. മാതാപിതാക്കൾ തമ്മിലുള്ള കലഹങ്ങൾ, മാതാപിതാക്കളുടെ അമിത മദ്യപാനവും ലഹരി ഉപയോഗവും, കുട്ടികളെ അമിതമായി ശിക്ഷിക്കുന്നതും അവഗണിക്കുന്നതും മാതാപിതാക്കളും കുട്ടികളും തമ്മിലുള്ള ബന്ധം തുടങ്ങി ഒട്ടനവധി ഘടകങ്ങളാണ് കുട്ടികളുടെ ലഹരി ഉപയോഗത്തെ സ്വാധീനിക്കുന്നതായി കണ്ടെത്തിയിട്ടുള്ളത്.

കൂട്ടുകാരുടെ സമ്മർദം