പനിയുടെ വകഭേദങ്ങൾ

അല്പകാലത്തിനുശേഷം കോവിഡ് വീണ്ടും വർധിക്കുകയാണ്. അതിനിടയിൽ സമാനലക്ഷണങ്ങളോടെ ഇൻഫ്ലുവൻസ വൈറസ് വ്യാപനവുമുണ്ട്. വരുംകാലങ്ങളിലും ഇത്തരത്തിൽ കോവിഡും ഇൻഫ്ലുവൻസ വൈറസുകളും മാറിമാറി വരാം. രോഗസങ്കീർണതകൾ തടയാനുള്ള മുൻകരുതലുകൾ ആവശ്യമാണ്

- ഡോ.അരവിന്ദ രഘുകുമാർ ഇൻഫെക്ഷ്വസ്ഡിസീസസ് വിഭാഗം ഭധാവി ഗവ.മെഡിക്കൽകോളേജ് - തിരുവനന്തപുരം

അൽപ കാലം മാറിന്നശേഷം കേസുകൾ വീണ്ടും വർധിച്ചിരിക്കുകയാണ്. അതിനിടയിൽ എച്ച് 3 എൻ 2, എച്ച്1 എൻ1 എന്നിവയുടെ വ്യാപനവുമുണ്ട്. പല തരംഗങ്ങളായി കോവിഡ് വരുമെന്നത് നേരത്തേതന്നെ വിദഗ്ധർ വിലയിരുത്തിയതാണ്. ഇൻഫ്ലുവൻസ വൈറസിന്റെ കാര്യവും സമാനരീതിയിൽത്തന്നെ. അത് ചില പ്രത്യേക സീസണിൽ വർധിക്കും. ഇതെല്ലാം മുൻകൂട്ടി മനസ്സിലാ ക്കിക്കൊണ്ടുള്ള മുൻകരുതലുകൾ സ്വീകരിക്കുകയാണ് വേണ്ടത്.

കോവിഡിനും ഇൻഫ്ലുവൻസ വൈറസ് ബാധയ്ക്കുമെല്ലാം സമാനമായ രോഗലക്ഷണങ്ങളാണ്. അതുകൊണ്ട് ആവശ്യമായ മുൻകരുതലുകളും ശരിയായ ചികിത്സയും സ്വീകരിക്കുക വളരെ പ്രധാനമാണ്. രോഗം സങ്കീർണതകളിലേക്ക് നീങ്ങാതെ തടയുക, സങ്കീർണതകളുണ്ടാകാൻ സാധ്യതയുള്ളവരെ നേരത്തേതന്നെ കണ്ടെത്തി ആവശ്യമായ മുൻകരുതൽ നൽകുക, അത്തരം വിഭാഗത്തിലുൾപ്പെട്ടവർക്ക് രോഗബാധയുണ്ടായാൽ കൃത്യമായ ചികിത്സ നൽകുക എന്നിവയൊക്കെയാണ് ഇക്കാര്യത്തിൽ ചെയ്യേണ്ട പ്രധാന കാര്യങ്ങൾ.

വ്യാപനം കൂടുന്നത്

രാജ്യത്ത് ഇൻഫ്ലുവൻസ വൈറസ് മൂലമുള്ള അണുബാധയും അതെത്തുടർന്നുള്ള സങ്കീർണതയായ ന്യുമോണിയയും കൂടുന്നതായി കഴിഞ്ഞ മാസം ഐ.സി.എം.ആർ. മുന്നറിയിപ്പു നൽകിയിരുന്നു. കൊറോണവൈറസിനെപ്പോലെ ആർ.എൻ.എ. വൈറസാണ് ഇൻഫ്ലുവൻസ വൈറസിലെ യും. കോവിഡ് സ്പൈക് പ്രോട്ടീൻ പോലെ വൈറസിനും ഇൻഫ്ലുവൻസ ആന്റിജനുകളുണ്ട്. അതിലെ എം പ്രോട്ടീനിലും ന്യൂക്ലിയോ കാഡ് പ്രോട്ടീനിലും (nucleocapsid protein) വരുന്ന വ്യതിയാനങ്ങളനുസരിച്ചാണ് ഇൻഫ്ലുവൻസ എ, ബി, സി, ഡി എന്നിങ്ങനെ തരംതിരിച്ചിരിക്കുന്നത്.

ഇൻഫ്ലുവൻസ എ യുടെ വകഭേദങ്ങളാണ് എച്ച്1 എൻ1, എച്ച് 3 എൻ 2, എച്ച് 5 എൻ1 എന്നിവ. എല്ലാവർഷവും പ്രത്യേക സീസണിൽ ഈ വൈറസുകൾ വ്യാപിക്കാറുണ്ട്. എന്നാൽ, ഈ സീസണിൽ എച്ച് 3 എൻ 2 വ്യാപനം എച്ച്1 എൻ1 വ്യാപനത്തേക്കാൾ വളരെ കൂടുന്ന സാഹചര്യമാണുണ്ടായത്.

മറ്റ് ഇൻഫ്ലുവൻസ വൈറസുകളുമായി താരതമ്യം ചെയ്യുമ്പോൾ എച്ച് 3 എൻ 2 കൊണ്ടുണ്ടാകുന്ന അണുബാധ കുറച്ചുകൂടി തീവ്രമാണെന്ന് ഐ.സി.എം.ആർ. റിപ്പോർട്ടിൽ സുചിപ്പിച്ചിരുന്നു. അതുകാരണം എല്ലാ സംസ്ഥാനങ്ങളും ആവശ്യമായ നിരീക്ഷണം നടത്താനും രോഗവ്യാപനം തടയാനുമുള്ള നിർദേശം കേന്ദ്ര ആരോഗ്യമന്ത്രാലയം നൽകുകയുണ്ടായി.