தெலுங்கானா அரசியலை கலக்கும் பெண்கள்!

தமிழகத்தில் ஜெயலலிதா, உத்தர பிரதேசத்தில் மாயாவதி, ராஜஸ்தானில் மார்கரெட் ஆல்வா, டெல்லியில் ஷீலா தீட்சித், பிகாரில் ரப்ரிதேவி, மேற்கு வங்கத்தில் மம்தா பானர்ஜி... இப்படி அரசியலில் உச்சத்தை தொட்ட பெண்கள் பட்டியல் ஒரு புறம் என்றால் இவர்களைப் போல் சிகரம் தொடும் ஆசையில் அரசியலில் குதித்த நடிகைகள் பட்டியல் மறுபக்கம் நீள்கிறது.

- எஸ்.ரவீந்திரன்

குறிப்பாக ஆந்திராவில் விஜயசாந்தி, ரோஜா, தமிழகத்தில் குஷ்பு, நமீதா, தேசிய அளவில் கவுதமி, ரம்யா, நக்மா என அரசியலில் நுழைந்தாலும் ரோஜா மட்டுமே தேர்தல் கால அரசியல் மட்டுமின்றி, முழு நேர அரசியல்வாதிகள் போல் நின்று விளையாடுகிறார்.

1999-ம் ஆண்டு சந்திரபாபு நாயுடு தலைமையிலான தெலுங்கு தேசம் கட்சியின் மூலம் தனது அரசியல் பயணத்தை தொடங்கிய நடிகை ரோஜாவுக்கு உள்கட்சி பூசலால் தோல்வியும், நெருக்கடியுமே மிச்சம்.

அதை தொடர்ந்து ஒய்.எஸ்.ஆர்.காங்கிரஸில் தன்னை இணைத்துக்கொண்ட ரோஜா அக்கட்சியின் மூலம் கடந்த 2014 மற்றும் 2019 ஆகிய இரண்டு தேர்தல்களிலும் நகரி தொகுதியில் போட்டியிட்டு வெற்றிகண்டார்.