பிஜி தீவு பீமன் பிரசாத்!

பிஜி, பசிபிக் பெருங்கடலின் தெற்கே அமைந்துள்ள ஒரு தீவுத்திரள்நாடாகும். இது நியூசிலாந்தின் வடக்குத் தீவில் இருந்து வடகிழக்கே 1100 கடல் மைல்கள் தொலைவில் உள்ளது. இதன் மேற்கே வனுவாட்டு, தென்மேற்கே பிரான்சின் நியூ கலிடோனியா, தென்கிழக்கே நியூசிலாந்தின் கெர்மாடெக் தீவுகள், கிழக்கே தொங்கா, வடகிழக்கே சமோவா,வடக்கே துவாலு ஆகியவை அமைந்துள்ளன.

அயல்நாடுகளை ஆளும் இந்தியர்கள்-11

பெரும்பான்மையான பிஜித் தீவுகள் சுமார்150 மில்லியன் ஆண்டுகளுக்கு முன்னர் ஏற்பட்ட எரிமலைச் சீற்றங்களினால் உருவானவையாகும். இப்போது, வனுவாலேவு, தவெயுனி போன்ற தீவுகளில் சில புவிவெப்பச் சீற்றங்கள் நிகழ்ந்து வருகின்றன.

பிஜித் தீவுக்கூட்டத்தில் மொத்தம் 332 தீவுகளும், சுமார் 500 தீவுத்திடல்களும் உள்ளன. 332 தீவுகளில் 110 தீவுகளில் மட்டுமே மக்கள் வசிக்கின்றனர். மொத்தத் தரைப்பரப்பளவு ஏறத்தாழ 18,300 சதுரகி.மீ. ஆகும். விட்டி லெவு, வனுவா லெவு ஆகியவை 2 முக்கிய தீவுகளாகும்.

நாட்டின் மொத்த மக்கள் தொகையான 8.5 லட்சம் பேரில் 87 விழுக்காட்டினர் இவ்விரு தீவுகளிலும் வாழ்ந்து வருகின்றனர். பிஜியின் தலைநகரும், நாட்டின் மிகப்பெரிய நகருமான சுவா, விட்டி லெவு தீவில் அமைந்துள்ளது. 17-ஆம் 18-ஆம் நூற்றாண்டுகளில் டச்சு, மற்றும் பிரிட்டிஷ் பயணிகள் இங்கு வரத்தொடங்கினர்.

1970 வரை பிஜி சுமார் ஒரு நூற்றாண்டு காலம் வரை பிரிட்டனின் காலனித்துவ நாடாக இருந்தது. இரண்டாம் உலகப் போர் காலத்தில் பிரிட்டிஷாரால் பிஜி மக்கள்யுத்தத்தில் பங்கேற்க வைக்கப்பட்டனர்.