நம்பியவர்களை குதறும் பாலியல் குரூரர்கள்!

செய்யும் தொழிலே தெய்வம் என்பர்கள், உண்மையிலே தெய்வீகமாக சில தொழில்களை சொல்வதுண்டு. ஆசிரியர், மருத்துவர்,ஆன்மீக குரு ஆகியோரை தெய்வமாகவே போற்றும் பண்பாடு நம்முடையது.

- நெல்லை பரிதி

மாதா, பிதாவுக்கு அடுத்தப்படியாக தெய்வத்துக்கு முன்னதாக வைத்து வணங்கப்படுபவர் குரு. அந்தக் குரு ஸ்தானத்தில் இருக்கும் ஆசிரியர்கள் குரூர புத்தியுடையவர்களாக இருந்தால் விளையும் பயிர் முளையிலேயே அழியும் அல்லவா?

புதுக்கோட்டை மாவட்டம் அன்னவாசல் அரசு மேல்நிலைப்பள்ளி உதவி தலைமை ஆசிரியர் ரமேஷ் (45). வேதியியல் ஆசிரியராகவும் இருந்து மாணவ, மாணவிகளுக்கு வகுப்புகள் எடுத்து வருகிறார். சபல புத்தி கொண்ட இவர் மாணவிகளிடம் அதிக நெருக்கம் காட்டி வந்துள்ளார். உதவி தலைமை ஆசிரியர் என்ற அந்தஸ்தில் இருந்ததால் மாணவிகள் அச்ச த்தில் அவரது நடவடிக்கைகளை சகித்து வந்துள்ளனர்.