தொடரும் மாணவர் தற்கொலைகள்! காரணம் என்ன?

சமீப காலமாக மாணவ, மாணவிகள் தற்கொலை செய்துகொள்ளும் துயரங்களும் தற்கொலைக்கு முயற்சிக்கும் சம்பவங்களும் அதிகரித்து வருகின்றன. சென்னை கே.கே நகரில் உள்ள ஈஎஸ்ஐ மருத்துவ கல்லூரியில் 3 ஆம் ஆண்டு மருத்துவம் படித்து வந்த நித்யஸ்ரீ (22).10-வது மாடியில் இருந்து குதித்து தற்கொலை செய்து கொண்ட சம்பவம் அதிர்ச்சியை ஏற்படுத்தியுள்ளது.

- எஸ்.ரவீந்திரன்

அதேபோல சென்னை ஐ.ஐ.டி.யில் மகாராஷ்டிரா மாநிலத்தைச் சேர்ந்த ருவன் சன்னி ஆல்பர்ட் என்ற 2 ஆம் ஆண்டு படித்துவந்த மாணவர் தங்கியிருந்த விடுதிஅறையில் தூக்கிட்டு தற்கொலை செய்து கொண்டார். இந்த சம்பவத்தின் பரபரப்பு அடங்குவதற்குள், ஐ.ஐ.டி.யில் பி.டெக் முதலாமாண்டு படித்து வரும் கர்நாடக மாநிலத்தைச் சேர்ந்த வீரேஷ் என்ற மாணவர் தனது அறையில் தூக்க மாத்திரைகளை விழுங்கி தற்கொலைக்கு முயன்றுள்ளார்.

2014-21ஆம் ஆண்டில் ஐஐடி, ஐஐஎம், மத்தியப் பல்கலைக்கழகங்கள் மற்றும் மத்திய அரசின் நிதியுதவி பெறும் உயர்கல்வி நிறுவனங்களில் மொத்தம் 122 மாணவர்கள் தற்கொலை செய்துகொண்டதாக மக்களவையில் தெரிவிக்கப்பட்டது.