முடங்கிய பாராளுமன்றம்...கரைந்த் மக்களின் வரிப்பணம்!!

சமீபத்திய பாராளுமன்றக் கூட்டத் தொடர் தொடர்ந்து ஒத்திவைக்கப்பட்டு நடைபெறாமலேயே முடித்து வைக்கப்பட்ட நிகழ்வு, இந்திய ஜனநாயகத்தையே கேலிக்கூத்தாக்கி இருக்கிறது

- எஸ்.ரவீந்திரன்

1952-க்குப் பிறகு, இதுவரை 17 மக்களவைகள் அமைக்கப்பட்டுள்ளன. இவ்வளவு வருடங்களில் மிகவும் மோசமாக செயல்பட்ட நாடாளுமன்றக் கூட்டத்தொடர் இதுதான் என கணிக்கப் பட்டுள்ளது.

இது குறித்து சமீபத்தில் ஒரு தனியார் அமைப்பு ஆய்வு செய்து சில தகவல்களை வெளியிட்டுள்ளது. அதன்படி, மக்களவை நிர்ணயிக்கப்பட்ட கால அளவான 133 மணி நேரத்துக்கு பதிலாக, வெறும் 45 மணி நேரம்தான் செயல்பட்டது. மாநிலங்களவை 130 மணி நேரத்துக்கு பதிலாக 3.1 மணி நேரம்தான் இயங்கியது. அதாவது மக்களவை 34.28 சதவீத நேரமும், மாநிலங்களவை 24 சதவீத நேரமும் இயங்கி உள்ளது.