பெண் எனும் பெரும் சக்தி!

நேற்றைய தினத்தில் ஒரு முதிய பெண்மணி தலைசுற்றல் பிரச்சனையுடன் மருத்துவமனைக்கு வந்தார். ரத்த அழுத்தம் அதிகமாக இருந்ததால் உள்நோயாளியாகச் சேர வேண்டும் என்று சொன்னதற்கு, 'மாத்திரை மட்டும் குடுங்க. வீட்ல போய் போட்டுகிறேன். எனக்குப் பார்க்க ஆள் இல்லை. பிள்ளை கிடையாது" என்றார்

பொதுவாக ஒரு குழந்தை கூட இல்லாதவர்கள் தான், எனக்குப் பிள்ளை இல்லை என்று சொல்வது வழக்கம். பாட்டியின் அருகில் இரண்டு நடுத்தர வயது ஆண்கள் நின்று கொண்டிருந்தனர்.

"இவங்க?” என்று நான் கேட்க, "என் மகனுங்க தான். பொம்பளப் புள்ள கிடையாது. அதுக தானே நமக்கு என்னன்னு பாக்கும்.. ஆம்பளப் பிள்ளைங்க எங்க நம்மளைப் பாக்கப் போகுது ?" என்றார் பாட்டி.

எங்கே மகன்கள் கோபித்துக் கொள்ளப் போகிறார்களோ என்று மகன்கள் முகத்தை நான் பார்க்க, ஆம் அது உண்மை தானே என்பது போல் அவர்களும் நின்றனர்.