அடுத்த வாரிசு

ஆணுக்கு பெண் சமம் என்று கூறப்பட்டாலும் கூட அரசியல் உள்ளிட்ட பல்வேறு துறைகளில் பெண்களின் பங்களிப்பு குறைவாகவே உள்ளது. நாடாளுமன்றத்திலும், சட்டமன்றங்களிலும் பெண்களுக்கு இடஒதுக்கீடு என்பது நிறைவேறாத கனவாகவே இருக்கிறது அத்தி பூத்தாற் போல அரசியல் அரங்கில் விரல் விட்டு எண்ணத்தக்க சில பெண்கள் மட்டுமே நட்சத்திரங்களாக பிரகாசித்து வருகின்றனர்.

- கயலிணைக்கொடிமிடல்

பெரும்பாலும் மகன்களே அரசியல் வாரிசுகளாகின்றனர். ஆனால் அதே நேரத்தில் மகள்கள் அரசியல் வாரிகளாகி உள்ளதற்கும் முன்னுதாரணங்கள் உள்ளன.

கோவா மாநிலத்தில் மூத்த தலைவர் தயானந்த் பண்டோத்கரின் மகள் சசிகலா தந்தையின் அடிச்சுவட்டில் செயல்பட்டு முதலமைச்சராகவும் உயர்ந்தார். காஷ்மீரில் மூத்த தலைவர் முப்தி முகமது சயீத்தின் மகள் மெகபூபா காஷ்மீர் முதலமைச்ச ராக செயல்பட்டுள்ளார். அவர் தற்போது மக்கள் ஜனநாயகக் கட்சித் தலைவராகவும் செயல்பட்டு வருகிறார்.