അനുഭവങ്ങൾ വഴികാട്ടികൾ

മുൻപ് താമസിച്ചിരുന്ന വീടുകളിൽ നിന്നു പഠിച്ച പാഠങ്ങളാണ് സീമയെ “മന്നത്തിന്റെ അകത്തളമൊരുക്കാൻ സഹായിച്ചത്

അനുഭവം ഗുരു എന്ന പഴഞ്ചൊല്ല് അക്ഷരാർഥത്തിൽ ശരിയാണ് തിരുവനന്തപുരം തോന്നയ്ക്കലുള്ള സീമയുടെയും ഷംസുവിന്റെയും കാര്യത്തിൽ. ചോതി വില്ല പ്രോജക്ടിലാണ് സീമയും ഷംസുവും സ്വപ്നവീടായ മന്നത്ത് 'കണ്ടെത്തിയത്. വില്ലയായതിനാൽ എലിവേഷനിൽ കാര്യമായ മാറ്റങ്ങൾ ഒന്നും വരുത്തിയില്ല. പുറം കാഴ്ചയേക്കാൾ അകത്തെ സൗകര്യങ്ങൾക്കാണല്ലോ പ്രാധാന്യം. അതിന്റെ കടിഞ്ഞാൺ വീട്ടുകാരുടെ കയ്യിൽത്തന്നെയായിരുന്നു. സൗകര്യങ്ങളെല്ലാമുള്ള മന്നത്തിന്റെ പരിണാമത്തെക്കുറിച്ച് സീമ പറയുന്നു.

“ ഒരുപാട് വാടകവീടുകളിൽ താമസിച്ച അനുഭവത്തിന്റെ പിൻബലത്തിലാണ് മന്നത്തിന്റെ ഇന്റീരിയർ ക്രമീകരിച്ചത്. വാടകവീടുകളിൽ താമസിച്ചിരുന്നപ്പോൾ എന്തെല്ലാം കുറവുകൾ കണ്ടെത്തിയിരുന്നോ, അതെല്ലാം സ്വന്തം വീട്ടിൽ നികത്തണം എന്ന് ആഗ്രഹിച്ചിരുന്നു.