നേട്ടം കൂട്ടും ഭാഗ്യമുദ്രകൾ

ബ്രാൻഡ് കഥാപാത്രം ബ്രാൻഡിന്റെ മുഖമാകുന്നതോടെ വിപണിയിൽ വേറിട്ടു നിൽക്കാം

- സാജിദ് നാസർ

പോപ്പി എന്നു കേൾക്കുമ്പോൾ കുടയെക്കാൾ മനസ്സിൽ ആദ്യമെത്തുക ചുവന്ന ഡങ്കരിയുടുപ്പുമിട്ട് കാലൻകുടയും കയ്യിലെടുത്തു നിൽക്കുന്ന വികൃതി പയ്യനെയാണ്. ഇത്തരത്തിൽ പല ബ്രാൻഡുകളും ഉപഭോക്തൃ ഹൃദയങ്ങളിൽ കൂടുകൂട്ടിയിരിക്കുന്നത് ബ്രാൻഡ് ഭാഗ്യമുദ്രകൾ അഥവാ ബ്രാൻഡ് മാസ്കോട്സ് (Brand Mascots) വഴിയാണ്. മക്ഡൊണാൾഡ്സിന്റെ റൊണാൾഡ് മക്ഡൊണാൾഡ്, ഇന്ത്യൻ റെയിൽവേസിന്റെ ജോലു ആനക്കുട്ടി, ചുവന്ന പുള്ളിയുടുപ്പിട്ട് അമുൽ പെൺകുട്ടി, സെവൻ അപ്പിന്റെ ഫിടോ ഡീടോ തുടങ്ങിയവ ഉദാഹരണങ്ങളാണ്.