SIP, STP, SWP എന്താണിതൊക്കെ?

മ്യൂച്വൽ ഫണ്ട് നിക്ഷേപങ്ങളുടെ സവിശേഷ മികവുകൾക്കൊപ്പം മൂന്നു ചിട്ടയായ നിക്ഷേപരീതികൾ കൂടി സമന്വയിക്കുന്നതോടെ സാധാരണക്കാരനും വലിയ നേട്ടങ്ങൾ ഉറപ്പാക്കാൻ സാധിക്കും.

മ്യൂച്വൽ ഫണ്ടിൽ ചിട്ടയായ നിക്ഷേപത്തിന് പല മാർഗങ്ങളും ലഭ്യമാണ്. ഇവയിൽ പ്രധാനപ്പെട്ട മൂന്നെണ്ണമാണ് SIP, STP, SWP എന്നിവ. ഇവ എന്താണ്, ഏത് സാഹചര്യങ്ങളിലാണ് ഉപയോഗിക്കുന്നത് എന്നെല്ലാം മനസ്സിലാക്കിയാൽ നിക്ഷേപങ്ങൾ കൂടുതൽ കാര്യക്ഷമമാക്കാനാകും.

സിസ്റ്റമാറ്റിക് ഇൻവെസ്റ്റ്മെന്റ് പ്ലാൻ (SIP)

മുൻകൂർ നിശ്ചയിച്ച ഒരു തുക നിശ്ചിത തീയതിയിൽ, നിശ്ചിത മ്യൂച്വൽ ഫണ്ട് പദ്ധതിയിൽ നിക്ഷേപിക്കുന്ന രീതിയാണ് എസ്ഐപി. നിശ്ചിത തീയതി എന്നത് ദിനംപ്രതിയോ മാസത്തിലോ, ആഴ്ച, മൂന്നു മാസം തുടങ്ങി ഫണ്ട് അനുവദിക്കുന്ന ആവൃത്തികളിലോ ആകാം. നിശ്ചയിച്ച തീയതിയിൽ അക്കൗണ്ടിൽനിന്നു പണം ഡെബിറ്റ് ആകുകയും മ്യൂച്വൽ ഫണ്ട് അതിനനുസരിച്ചുള്ള നൽകുകയും ചെയ്യുന്നു.

യൂണിറ്റുകൾ എസ്ഐപി എന്നത് മുടക്കം കൂടാതെ നിക്ഷേപിക്കാനുള്ള മാർഗം മാത്രമാണ്. ഇതു വഴി കിട്ടുന്ന ആദായം നിങ്ങൾ തിരഞ്ഞെടുത്ത ഫണ്ട്, യൂണിറ്റുകളുടെ വാങ്ങിയവില, വിറ്റവില, എത്രകാലം നിക്ഷേപം തുടരുന്നു എന്നിവയെല്ലാം ആശ്രയിച്ചിരിക്കും.