ചെലോൽത് ശര്യാവും, ചെലോൽത്

ഏതു ശരിയാകും എന്തു ശരിയാകാതെ പോകും എന്നുറപ്പിക്കാനാവാത്ത വല്ലാത്തൊരു കാലമാണ് കോവിഡ് സൃഷ്ടിച്ചത്.

- പി. കിഷോർ

പണ്ടൊക്കെ നാലും കൂടുന്ന കവലകളിൽ കെട്ടിടം കെട്ടി കടമുറികൾ വാടകയ്ക്കു കൊടുക്കാമായിരുന്നു. എന്നിട്ട് ചുമ്മാതിരുന്ന് മാസാമാസം വാടക പിരിക്കാം. പിന്നെ അത് ഷോപ്പിങ് കോംപ്ലക്സ് പണിയലായി. കോംപ്ലക്സിൽ അനേകം കടകൾ. വാടകയ്ക്കു കൊടുക്കൽ മാത്രമല്ല, കടമുറി വിൽപനയുമുണ്ട്. കടമുറി വാങ്ങി വാടകയ്ക്കു കൊടുക്കുന്നവരുമുണ്ട്. കടയുടെ വില കൂടിക്കൊണ്ടിരിക്കുന്നതു കണ്ട് മനപ്പായസം കുടിക്കാം.

കാലംപോകെ നഗരങ്ങളിൽ ഇത്തരം കൊമേർഷ്യൽ കെട്ടിടങ്ങൾ ഒരുപാടായി. എടുക്കാൻ ആളില്ലാതായി. എടുത്തവർ തന്നെ ഒഴിഞ്ഞുപോകുന്നു. കോവിഡ് കാലത്ത് ആയിരക്കണക്കിനു കടകളും ബിസിനസുകളും പൂട്ടിപ്പോയപ്പോൾ കെട്ടിട ഉടമകൾ അവതാളത്തിലായി.