യുവാക്കളേ മറക്കരുത്, മടിക്കരുത് ടേം ഇൻഷുറൻസ്

നിങ്ങളുടെ അഭാവത്തിലും പ്രിയപ്പെട്ടവരുടെ ജീവിതം സുരക്ഷിതമാകണം എന്നാഗ്രഹിക്കുന്ന 35 നു താഴെ പ്രായമുള്ളവരെല്ലാം ടേം ഇൻഷുറൻസ് എടുക്കണം.

രാജ്യത്തെ ജനസംഖ്യയുടെ മൂന്നിലൊന്നോളം പേരും രണ്ടായിരത്തിനുശേഷം ജനിച്ചവരാണ്. “മില്ലേനിയലുകൾ' എന്നു വിളിക്കപ്പെടുന്ന ഇവർ മറ്റേതൊരു തലമുറയെക്കാളും സാമ്പത്തിക കാര്യങ്ങളിൽ ആത്മവിശ്വാസം ഉള്ളവരാണ്. എങ്കിലും ചില സാമ്പത്തികശീലങ്ങൾ ഭാവിയിൽ അവരെ പ്രതിസന്ധിയിലാക്കാൻ സാധ്യതയുമുണ്ട്.

25നും 35നും ഇടയിൽ പ്രായമുള്ളവരിൽ ഈയിടെ നടത്തിയ പഠനം പറയുന്നത്. ഇവരിൽ 17% പേരേ ടേം ഇൻഷുറൻസ് എടുത്തിട്ടുള്ളൂവെന്നാണ്. 55 ശതമാനവും ടേം ഇൻഷുറൻസിനെക്കുറിച്ചു കേട്ടിട്ടു പോലുമില്ല. കേട്ടിട്ടുള്ളവർ പോലും കൂടുതൽ അറിയാനോ വാങ്ങാനോ താൽപര്യം കാണിക്കുന്നുമില്ല.