കിടക്ക നിർമിച്ചു നേടുന്നത് മാസം 30% ലാഭം

ഭർത്താവിന് കിടക്കവിൽപനരംഗത്തുള്ള മികവ് ഉപയോഗപ്പെടുത്തി നിർമാണയൂണിറ്റ് തുടങ്ങി വിജയകരമായി മുന്നേറുകയാണ് മെൽവിന.

വിവാഹശേഷം കാര്യമായി ഒന്നും ചെയ്യാനില്ലാത്ത അവസ്ഥ. ഭർത്താവ് ബിസിനസ് തിരക്കിലും. അപ്പോഴാണ് മെൽവിന സ്വന്തം സംരംഭം എന്ന ചെറുപ്പത്തിലെ സ്വപ്നം പൊടിതട്ടിയെടുത്തത്. ആഗ്രഹം പറഞ്ഞപ്പോൾ തന്നെ ഭർത്താവ് ഷിജിൻ സന്തോഷത്തോടെ അദ്ദേഹത്തിന്റെ ബിസിനസുമായി ബന്ധപ്പെടുത്തി ഒരു നിർമാണ യൂണിറ്റ് ആരംഭിക്കാൻ എല്ലാ പിന്തുണയും നൽകി. തിരുവനന്തപുരം കാഞ്ഞിരംകുളത്ത് കോടികളുടെ നിക്ഷേപത്തിൽ ആരംഭിച്ച മെൽവീസ് ഇന്റർനാഷനൽ വിജയകരമായി മുന്നോട്ടുകൊണ്ടുപോകാനാകുന്നു എന്ന സന്തോഷത്തിലാണ് ഈ യുവസംരംഭക

എന്താണ് ബിസിനസ്

കിടക്ക, തലയിണ, ബെഡ്ഷീറ്റ് തുടങ്ങിയ ഉൽപന്നങ്ങളുടെ നിർമാണവും വിൽപനയുമാണ് ബിസിനസ്, പിങ് കിടക്കകൾ, കയർ കിടക്കകൾ, ഓർത്തോപീഡിക് കിടക്കകൾ എന്നിങ്ങനെ വ്യത്യസ്തങ്ങളായ കിടക്കകൾ നിർമിക്കുന്നു. ആവശ്യക്കാർക്ക് കസ്റ്റമൈസ്ഡ് കിടക്കകളും നിർമിച്ചു നൽകുന്നു. സ്ലീപ്പിങ് ആക്സസറീസുമായി ബന്ധപ്പെട്ടുവരുന്ന എല്ലാത്തരം ഉൽപന്നങ്ങളും ഇവിടെ നിർമിക്കുന്നുണ്ട്. ബെഡ്ഷീറ്റുകൾ, പില്ലോക്കവറുകൾ എന്നിവ വ്യത്യസ്തങ്ങളായ അളവുകളിലും കളറുകളിലും കനത്തിലും നിർമിക്കും. ഫിറ്റഡ് ബെഡ് കവറുകളും നൽകിവരുന്നു.

എന്തുകൊണ്ട് ബെഡ്