അന്നമ്മ പൊളിയാണ് പൊളിച്ചടുക്കുകയാണ്

ഷോപ്പിങ്ങുമായി നടക്കേണ്ട സമയത്ത് സ്വകാര്യ ബസ് ഓടിക്കാൻ പോകുന്ന കൊച്ചിയിലെ നിയമ വിദ്യാർഥി ആൻ മേരി പകരുന്നത് ആത്മവിശ്വാസത്തിന്റെ പുത്തൻ പാഠങ്ങൾ

- എം. ഷറഫുല്ലാഖാൻ

അവധി ദിവസങ്ങളിൽ കൊ ച്ചിയിലെ മാളിലും മറൈൻ ഡ്രൈവിലുമൊക്കെ അടിച്ചുപൊളിക്കേണ്ട ആൻ മേരി പക്ഷേ, സ്വകാര്യ ബസിന്റെ ഡ്രൈവർ സീറ്റിലാണ് അതും നിറയെ യാത്രക്കാരുമായി. ഹെവി വെഹിക്ൾ ലൈസൻസ് സ്വന്തമാക്കി കാക്കനാട് പെരുമ്പടപ്പ് റൂട്ടിൽ ഓടുന്ന 'ഹേ ഡേ’ ബസിന്റെ ഡ്രൈവറായി പണിതുടങ്ങിയിട്ട് മാസങ്ങളായി.

നേവൽബേസിൽ കരാറുകാരനായ പള്ളുരുത്തി ചിറക്കൽ പറേമുറിവീട്ടിൽ പി.ജി. ആൻസലിന്റെയും പാല ക്കാട് അഡീഷനൽ ജില്ല ജഡ്ജി സ്മിത ജോർജിന്റെയും മകളാണ് ആൻ മേരി എന്ന അന്നമ്മ. ഡ്രൈവിങ്ങിലും റെസ്ലിങ്ങിലും മാത്രമല്ല പവർലിഫ്റ്റിങ്ങിലും കരുത്തു തെളിയിച്ച ഈ നിയമ വിദ്യാർഥി കീബോർഡ് അടക്കം കൈകാര്യം ചെയ്ത് കലാരംഗത്തും 'പൊളിമൂഡി'ലാണ്.

പതിനെട്ടിൽ നേടി ലൈസൻസ്