ആ നക്ഷത്രങ്ങളെ ശ്രദ്ധിച്ചുവോ നിങ്ങൾ?

അപരന്റെ മണ്ണിൽ പ്രകാശത്തിന്റെ അവസാന തുള്ളി പോലും അവശേഷിക്കരുത് എന്ന ദുർവാശിയോടെയാണ് ഓരോ യുദ്ധവും തുടങ്ങുന്നത്

ഒരു സിഗരറ്റിൽ നിന്ന് മറ്റൊന്നിന് തീ കൊളുത്തുന്നത്ര ലാഘവത്തോടെയാണ് ഈ മാനവ കുലത്തെയും നാം ജീവിക്കുന്ന ഭൂമിയെയും മുച്ചൂടും മുടിക്കാൻ പോന്ന യുദ്ധങ്ങൾക്ക് ലോക ശക്തികൾ തീ കൊളുത്തുന്നത്. കൂടുതൽ നാശവും ദുരിതവും വിതക്കുന്നവരെ വിജയികളായി ഗണിക്കുന്ന ഏക മത്സരമല്ലോ ഇത്.