"ഇത് ചെറ്ത്, ഇപ്പോ ശര്യാക്കിത്തരാം.

SPOT LIte

- ഷബിൻരാജ് മട്ടന്നൂർ

 സ്ത്രീകൾ അപൂർവമായി മാത്രം കൈവെക്കുന്ന ഒരു മേഖലയിലേക്കാണ് ഭീമനടി സ്വദേശിയായ ബിന്ദു ഡൊമിനിക്, മാങ്കോട് സ്വദേശികളായ ബിൻസി ജിജോ, മേഴ്സി പത്രോസ് എന്നിവർ കടന്നുവന്നത്. മൂന്നുപേരും വലിയ സംതൃപ്തിയിലും ആത്മവിശ്വാസത്തിലുമാണ്. ഏതൊരു കാര്യവും അനായാസം ചെയ്യാനാകുമെന്ന ഉറച്ചബോധ്യമുണ്ടിവർക്ക്. ഇരുചക്രവാഹന അറ്റകുറ്റപ്പണി മേഖലയിൽ ഒരുകൈ നോക്കാമെന്നുപറഞ്ഞ് ഇറങ്ങി പുറപ്പെട്ട് താരങ്ങളായ ആ വീട്ടമ്മമാരുടെ കഥയിലേക്ക്...

ഇതല്ല ഇതിനപ്പുറവും പറ്റുമെന്നേ...

കുടുംബശ്രീ സംരംഭങ്ങളുടെ പരിശീലനവും മേൽനോട്ട വും നിർവഹിക്കുന്ന ജോബ് കഫേ'യാണ് ഇത്തരമൊരു തൊഴിൽ പരിശീലന പദ്ധതി നിർദേശിച്ചത്. ഫോട്ടോഗ്രഫി, സി.സി.ടി.വി, മൊബൈൽ റിപ്പയറിങ് എന്നിങ്ങനെയുള്ള പരി ശീലന കോഴ്സുകളിൽ ഒന്നായിരുന്നു ഇരുചക്ര വാഹന അറ്റകുറ്റപ്പണി. കുടുംബശ്രീ മിഷൻ റീബിൽഡ് കേരളയുടെ സഹായത്തോടെയുള്ള പദ്ധതിയാണിത്.