ഒരു ദേശത്തിന്റെ അങ്കക്കഥ

വടക്കൻ പാട്ടുകളിൽ കേട്ടുശീലിച്ച കണ്ണൂരിലെ പൊന്ന്യത്തെ ഏഴരക്കണ്ടത്തിൽ കളരിയുടെയും പയറ്റിന്റെയും പെരുമ പുനരാവിഷ്കരിക്കാൻ മുന്നിട്ടിറങ്ങിയിരിക്കുകയാണ് നാടും നാട്ടുകാരും

- സന്ദീപ് ഗോവിന്ദ്

പൂഴിയും പൊടിയും പറന്നുയർന്ന പയറ്റിൽ തച്ചോളി ഒതേനനെയും കതിരൂർ ഗുരുക്കളെയും കാണാതായി. ഉറുമിയു ടെയും വാളിന്റെയും ശീൽക്കാര ശബ്ദവും പോരാളികളുടെ ആക്രോശവും പൊന്ന്യത്തെ ഏഴരക്കണ്ടത്തെ മൂടി. അങ്കത്തിന്റെ ശക്തിയിൽ കാറ്റു പോലും കൊടുങ്കാറ്റായി മാറി. ആയോധനമുറകൾ പലവിധം പ്രയോഗിച്ചിട്ടും, പരാജയമറിയാത്ത കതിരൂർ ഗുരുക്കളെ അവസാനം ചതിപ്രയോഗത്തിലൂടെ ഒതേനൻ വീഴ്ത്തി. കളരി യിൽ മറന്നുവെച്ച ഉറുമിയെടുക്കാൻ പിറ്റേ ദിവസം ഏഴരക്ക ണ്ടത്തിലേക്കുവന്ന ഒതേനനെ കതിരൂർ ഗുരുക്കളുടെ ശിഷ്യൻ ചുണ്ടങ്ങാപ്പൊയിൽ മായൻ പക്കി ഒളിഞ്ഞിരുന്ന് വെടിവെച്ചു കൊന്നു.

16-ാം നൂറ്റാണ്ടിലെ വീരകഥ കൾ തലമുറകളിലേക്ക് കൈ മാറിയ വടക്കൻ പാട്ടുകളിൽ കേട്ടുശീലിച്ച കണ്ണൂരിലെ പൊന്യത്തെ ഏഴരക്കണ്ടത്തിൽ കളരിയുടെയും പയറ്റിന്റെയും പെരുമ പുനരാവിഷ്കരിക്കു കയാണ് നാടും നാട്ടുകാരും. കതിരൂർ ഗുരുക്കളും ഒതേന നും അങ്കംവെട്ടി മരിച്ചുവീണ മണ്ണിൽ 10 വർഷമായി പുതു തലമുറ ചുരികയും വാളും ചുഴറ്റി അടവുകൾ വെച്ച് ഗതകാല സ്മരണകൾ ഉണർത്തുകയാണ്.

പൊന്നിത്തങ്കത്തിന് തുടക്കം