കൈകാലുകളിലെ തരിപ്പും മരവിപ്പും

മധ്യവയസ്കരിലും പ്രായമേറിയവരിലുമെല്ലാം കണ്ടുവരുന്ന ആരോഗ്യ പ്രശ്നമാണ് കൈകാലുകളിലെ തരിപ്പും മരവിപ്പും. ഇതിന്റെ കാരണങ്ങളും ചികിത്സയുമറിയാം

- ഡോ. വി. അബ്ദുൽ ഗഫൂർ associate professor. neurology, govt. medical college, kollam

പൊതുവിൽ ആരോഗ്യപ്രശ്നങ്ങളുമായി ചികിത്സക്കെത്തുന്ന രോഗികളിൽ ചെറിയൊരു ശതമാനമെങ്കിലും ഡോക്ടർമാരോട് പറയുന്ന ആവലാതികളിൽ ഒന്നാണ് 'കൈകാലുകളിലെ തരിപ്പ്' എന്ന അവസ്ഥ. പ്രാദേശിക ഭാഷാവ്യതിയാനമനുസരിച്ച് ചുട്ടുനീറ്റൽ, പെരുപ്പ്, മരവിപ്പ് എന്നെല്ലാം ഇതിനെ വിശേഷിപ്പിക്കാറുണ്ട്.

മധ്യവയസ്കരിലും പ്രായമേറിയവരിലുമെല്ലാം കണ്ടുവരുന്ന ഈ പ്രശ്നത്തിന് പിറകിൽ നിരവധി കാരണങ്ങളുണ്ട്. ആധുനിക വൈദ്യശാസ് ത്രം പെരിഫെറൽ ന്യൂറോപ്പതി (Peripheral neuropathy) എന്ന് വിളിക്കുന്ന ഈ അവസ്ഥ പൊതുവിൽ ആദ്യം പാദങ്ങളിലും പിന്നീട് കൈകളിലുമാണ് അനുഭവപ്പെടുക. നിയന്ത്രണമില്ലാത്ത പ്രമേഹമുള്ളവരിൽ ധാരാളമായി കണ്ടുവരുന്ന കാലുകളിലെ തരിപ്പ് പാരമ്പര്യ -ജനിതക രോഗങ്ങൾ, വിറ്റമിൻ ഉൾപ്പെടെയുള്ള പോഷകങ്ങളുടെ കുറവ്, വൃക്ക-കരൾ രോഗങ്ങൾ, വാതസംബന്ധ രോഗങ്ങൾ, നട്ടെല്ലിലെ ഡിസ്കുമായി ബന്ധപ്പെട്ട പ്രശ്നങ്ങൾ തുടങ്ങി എയ്ഡ്സ് പോലുള്ള അണുബാധകൾ മൂലവും ഉണ്ടാവാറുണ്ട്.

ഇതിനുപുറമെ മദ്യപാനം, പുകവലി, മയക്കുമരുന്നുകൾ തുടങ്ങിയ ദുശ്ശീലങ്ങൾ ശരീരത്തിൽ സൃഷ്ടിക്കുന്ന ഹാനികരമായ രാസപദാർഥങ്ങൾ മൂലവും വിഷവസ്തുക്കൾ മൂലവും ഈ ലക്ഷണങ്ങൾ പ്രകടമാവാറുണ്ട്.

രോഗകാരണങ്ങൾ