ઉત્તમ: ફૂડ ઇન્ડસ્ટ્રીઝની ખ્યાતનામ બ્રાન્ડ

પિતા તરફથી વિકસિત ધંધો વારસામાં મેળવવો એ ભાગ્ય ઘણાને મળ્યું હશે, પરંતુ તે વ્યવસાયને એક લેવલ ઉપર લઈ જવા માટે કદી પણ હાર નહીં માનવાનું વલણ અને સફળ થવાની તીવ્રતમ ઇચ્છાની જરૂર પડે છે

સક્સેસ મંત્ર

‘સફળતાનો કોઈ ચોક્કસ મંત્ર નથી, પરંતુ હા, હું સ્પષ્ટતા સાથે કામ કરું છું અને મારા વિઝનને વધારે જટિલ બનાવતો નથી. હું મારા ધ્યેયોનો સતત પીછો કરું છું. પતન અને ઉદય એ વ્યવસાયનો રોજિંદો ભાગ છે, પરંતુ પ્રયત્નો ચાલુ રાખો અને ક્યારેય હાર ન માનો. પ્રચલિત કહેવત છે તેમ સફળતાનો કોઈ શોર્ટકટ નથી. ધ્યાન કેન્દ્રિત રાખો અને તમારી જાતમાં વિશ્વાસ રાખો, મારા માટે પ્રામાણિકતા એ સૌથી વધુ ઇચ્છિત પાત્ર લક્ષણ છે.’

   વશિષ્ઠ પટેલ, ડિરેક્ટર, ભગવતી ફ્લોર એન્ડ ફૂડ્ઝ પ્રા. લિ.

શરૂઆત

પિતા તરફથી વિકસિત ધંધો વારસામાં મેળવવો એ ભાગ્ય ઘણાને મળ્યું હશે, પરંતુ તે વ્યવસાયને એક લેવલ ઉપર લઈ જવા માટે કદી પણ હાર નહીં માનવાનું વલણ અને સફળ થવાની તીવ્રતમ ઇચ્છાની જરૂર પડે છે.

અમે ખાદ્ય ઉદ્યોગમાં ઘણા લાંબા સમયથી છીએ અને હું આ બિઝનેસમાં ત્રીજી પેઢી છું. અમે ચણાના લોટના નાના પ્લાન્ટથી શરૂઆત કરી હતી, જેની દૈનિક ઉત્પાદન ક્ષમતા ૮,૦૦૦ કિલો હતી અને આજે અમે દરરોજ ૩,૫૦,૦૦૦ કિલો બેસન અને ૨,૦૦,૦૦૦ કિલો વિવિધ પ્રકારના અનાજના લોટ દળીએ છીએ.

બ્રાન્ડ

મને હજુ યાદ છે કે નાસ્તો કરતી વખતે હંમેશાં મારો પરિવાર સૂજીની ગુણવત્તા વિશે ફરિયાદ કરતો હતો અને તે જ સમય દરમિયાન અમે મનમાં નક્કી કર્યું હતું કે અમે અમારા ગ્રાહકોને શ્રેષ્ઠ અને નંબર-૧ સૂજી આપીશું અને સતત ત્રણ વર્ષના સંશોધન બાદ અમે બનાવ્યો ભારતનો સૌ પ્રથમ કસ્ટમાઇઝ્ડ સૂજી પ્રોસેસિંગ પ્લાન્ટ. આજે અમે ભારતના સર્વશ્રેષ્ઠ ગુણવત્તા ધરાવતી ‘ઉત્તમ’ બ્રાન્ડની સૂજીના કન્ઝ્યુમર પેક વિક્રેતા છીએ.