રાજકાજ

મોદીના નવા પ્રધાનમંડળમાં જે.પી. નડ્ડાને સ્થાન મળશે

લોકસભાની ચૂંટણીના જે પ્રકારનાં પરિણામો આવ્યાં છે, એ જોતાં નરેન્દ્ર મોદીના નવા પ્રધાનમંડળ વિશેનાં અનુમાનોમાં પણ બદલાવ આવે એ સ્વાભાવિક છે. ભાજપના નેતૃત્વ હેઠળની એનડીએ ગઠબંધન સરકારના વડા તો નરેન્દ્ર મોદી જ રહેશે. લોકસભાની ચૂંટણીમાં તેમણે ભાજપનું નેતૃત્વ કર્યું હતું. વડાપ્રધાન તરીકેની મોદીની કાર્યશૈલીમાં પણ કોઈ ફરક પડવાનો નથી. નરેન્દ્ર મોદી કોમ્પ્રોમાઇઝના વ્યક્તિ નથી. તેમણે પોતાની ત્રીજી મુદતના પ્રથમ સવાસો દિવસ માટે જે કામો નિર્ધારિત કર્યા છે એ થઈને રહેશે. એમાં પણ પચ્ચીસ દિવસ તેઓ યુવાનો માટે કાર્ય કરવાના છે. તેમના આ પ્રથમ સવાસો દિવસના એજન્ડાના આરંભની રાહ જોવાઈ રહી છે.