કવર સ્ટોરી

ડ્રગ્સની સત્તા, ડ્રગ્સનો કારોબાર

- ગૌરાંગ અમીન

ડ્રગ્સ શબ્દ એક કાળે ગજબ રહસ્યમય હતો. થોડા વખત અગાઉ વડોદરામાં મારકણું કાર ડ્રાઇવિંગ કરનાર છોકરાએ ડ્રગ્સ લીધું હતું, એવું આપણે વાંચેલું. કયું ડ્રગ્સ? ક્યાંથી લાવ્યો? પૂર્વ ભારતમાં પકડાયેલી સોએક કરોડની ડ્રગ્સ ટેબ્લેટ અંગે ગૃહ પ્રધાન બોલ્યા હતા કે, ડ્રગ્સ કાર્ટેલની દયા ખાવામાં નહીં આવે. ભૂતપૂર્વ મંત્રી અને શિરોમણિ અકાલી દળના નેતા બિક્રમની ડ્રગ્સના કેસમાં આઠ કલાક પૂછતાછ થઈ. ૩૦ અને ૩૧ વર્ષની બે નાઇજિરિયન સ્ત્રીઓએ મુંબઈ અને બેન્ગ્યુરુની પ૯ ટ્રિપ મારી, ૭૫ કરોડના ડ્રગ્સ માટે. કર્ણાટક સરકાર પંજાબની જેમ કહે છે કે ડ્રગ્સ માટે અમારી નીતિ ઝીરો ટોલરન્સની છે. આ બાજુ કેરલામાં ઍન્ટિડ્રગ્સ કૅમ્પ ચલાવનાર પર હુમલો થયો. વાપીમાં સવા કરોડના ડ્રગ્સ સાથે બે નાઇજિરિયન નર પકડાયા. ઇન્ડોનેશિયામાં ત્રણ દક્ષિણ ભારતીયને ડ્રગ્સ માટે મૃત્યુની સજા થઈ. ચેન્નાઈમાંથી ૧૦૨ કિલો ગાંજા સાથે બે પકડાયા. આ તાજી હેડલાઇન્સ અર્ધી મિનિટમાં જોયેલી છે. ના, ડ્રગ્સની બીજી ખબર પણ છે. ઘણી. એક એકથી ચઢે એવી રહસ્યમય.

માર્ચના જ સમાચાર છે કે ઈરાકે સિરિયાથી આવેલી એક ટનથી વધુ કેપ્ટાગોન ગોળીઓ પકડી. કેપ્ટાગોન શબ્દને લઈને સર્ચ કરીએ તો સિરિયાના એક્સ વડા અસાદની સત્તા ગઈ એટલે કેપ્ટાગોન ડ્રગ્સને લઈને સિરિયાના આડા ધંધા પકડાયા છે, એવી વાતો પ્રગટ થયેલી દેખાય છે. ખરેખર? અસાદ ગયો એટલે આ ડ્રગ્સનું રેકેટ પકડાયું? ત્યાં સુધી કોઈને ખ્યાલ ન હતો? ત્યાં સુધી સિરિયા ડ્રગ્સના ધંધામાં બિગ પ્લેયર છે અને એ પૈસા ટેરરિઝમમાં વપરાય છે એ લેફ્ટ, લિબરલ અને રેશનલ લોકોને ખ્યાલ નહોતો? હવે નથી ચાલતું? મુસ્લિમ ધર્મને કટ્ટરતા સાથે જોડીને આતંકવાદ ફેલાવનારાં સંગઠનો અને દેશો ડ્રગ્સના ધંધામાં હતા અને છે, એ જાણનારા જાણે જ છે. સુપ્રીમ કોર્ટે લાંબા ચાલેલા કેસ અને પુરાવાઓના આધારે અયોધ્યામાં રામ મંદિર હતું તેવું સ્વીકાર્યું. ત્યાં સુધી કયા લોકોએ ત્યાં મંદિર ન હતું એવું કહેલું? મીડિયા એવમ ન્યૂઝ એજન્સીઝમાં જેમને ત્યાં મંદિર ન હતું અને મસ્જિદ હતી એવા બનાવટી સત્યમાં રસ હતો તેવાં તત્ત્વો આજે પણ માનવતા અને

ભારતીયતાને ખરાબ રીતે કચડી કાઢવા માટે ડ્રગ્સના બિઝનેસમાં જે લોકો અને તાકાતો લાગેલી છે, તેમને છાવરવામાં ઍક્ટિવ છે.