ભળતી જ લાઈન! કેટલાં કપલને જોડતાં પહેલાં જ તોડવાનું પાપ કરવાનું છે હજી?

શરૂઆતમાં એ થોડો ચીકણો લાગતો હતો, પણ ઍક્ચ્યુલી એ મજાનો છોકરો છે. હી ઈઝ વેરી ફૂલ..

- રાજુ પટેલ

‘મોરો નંબર તમને કોણે આપ્યો?' પરિણીતીએ અકળાઈને ફોન પર પૂછ્યું. ‘એ વાત છોડ અને સામે બેઠેલા ફેનિલને પણ છોડ. તું લંડન જતી રહે પાછી. અહીં બીજાઓના બૉયફ્રેન્ડમાં માથાં ન માર.’

‘વ્હૉટ નૉનસેન્સ.. શટ અપ.’ કહી ગુસ્સામાં પરિણીતીએ ફોન કાપ્યો અને સામે બેઠેલા ફેનિલને પૂછ્યું: ‘જાનવી નામની તારી કોઈ ફ્રેન્ડ છે?’

‘જાહ્નવી?’ ફેનિલે પૂછ્યું.

‘હા, જે ઍર-હૉસ્ટેસ છે?’

‘ઓહ.. હા હા, એને અમે જેવી નામથી બોલાવીએ છીએ એટલે મને એકદમ ક્લિક ન થયું.’

‘જાનવી હોય કે જૅવી, જે હોય એ, એને કહી દે કે હું પણ જેવી–તેવી નથી. મને આમ ફોન ન કરે.’

‘એ તને ઓળખતી પણ નથી, શું કામ ફોન કરે? જોવા દે એનો નંબર.'

કહી ફેનિલે પરિણીતીનો મોબાઈલ ચેક કરી કહ્યું: ‘આ જાહ્નવીનો નંબર નથી.’ ના બ્રેસ્ટ ફ્રેન્ડ્સ પણ

‘પણ કૉલ તો એ જાનવીનો જ હતો ને? તેં શું વાત કરી છે.. તારા ફ્રેન્ડ્સ સાથે મારા બારામાં? ફેનિલ, વી આર જસ્ટ ફ્રેન્ડ્સ, ઈન ફેક્ટ ફ્રેન્ડ્સ પણ નથી. જસ્ટ હમણાં આપણી ઓળખાણ થઈ છે.’

‘આઈ નો.. આઈ નો.’ મૂંઝાઈને ફેનિલે કહ્યુંઃ ‘આઈ ડોન્ટ નો મારા ફ્રેન્ડસને આવી મિસ-અન્ડરસ્ટેન્ડિંગ કેમ થઈ રહી છે.’

પર એવો ફોન કેમ આવ્યો એની પાછળ એક નાનકડી બેંક સ્ટોરી છે.

પરિણીતી અને ફેનિલની ઓળખાણથી મારા બૉસ મોતીવાલા ખુશ । નહોતા.

મેં કહ્યું: ‘તમને માઠું ન લાગે તો એક વાત કહું.’ મોતીવાલા મારી સામે જોઈ રહ્યા.

પછી બોલ્યા: ‘બોલો.'

‘સર, આમ તમે બીજાઓએ શું કરવું અને શું ન કરવું એ પીંજણ કર્યા કરશો તો તમારું બ્લડ પ્રેશર હાઈ થઈ જશે.’

‘પણ મને બીપી નથી.’

‘તો પહેલાં બીપી થશે. પછી એ હાઈ થઈ જશે.’

મોતીવાલા ચમક્યા અને મારી સામે થોડી વાર તાકીને બોલ્યાઃ ‘પરીની બાબતમાં તમે લોકોએ જે છબરડા કર્યા એને કારણે તો બીપી થઈ જ જશે.’

મેં માથું ઝુકાવી દીધું.