લ્યો બોલો, આ સંશોધકોએ તો લંગોટમાંથી મકાન ઊભું કરી દીધું!

વપરાયેલાં ડાયપર્સને સાફ કરી-છીણી નાખી, એના ભૂકામાંથી સિમેન્ટ જેવું મટીરિયલ બનાવવાનો પ્રયોગ.

લાગે છે કે આ ઘર ડાયપર્સમાંથી બન્યું છે?

જપાનની યુનિવર્સિટી ઑફ કટાકયુના એન્જિનિયર્સની એક ટીમે હમણાં ઈન્ડોનેશિયામાં માનવામાં ન આવે એવો પ્રયોગ કરી સૌને અચંબામાં મૂકી દીધા છે. બન્યું છે એવું કે રિસર્ચર સીસવંતી ઝુરેદાના વડપણમાં એન્જિનિયર્સની એક ટીમે ઈન્ડોનેશિયામાં ધામા નાખ્યા.

ધામા નાખવાનું કારણ? એક પ્રયોગ. પ્રયોગમાં ઝુરૈદા અને એમની ટીમે વપરાયેલાં, ગંદાં, વાસ મારતાં ડાયપર્સનો વિશાળ સ્ટૉક ભેગો કર્યો. જથ્થાબંધ ડાયપર્સને ધોયાં, સાફ કર્યાં, ફાડ્યાં, એના ચીરા કર્યાં અને એમાંથી સિમેન્ટ જેવો અધિસિવગુંદર જેવો ચોંટી જાય એવો પદાર્થ બનાવ્યો. આ પદાર્થથી મકાન બાંધી શકાશે એવી ખાતરી થઈ ગઈ, પણ એ પ્રયોગ સફળતાથી પાર પાડવા એટલે કે રિસાઈકલ્ડ ડાયપર્સના આ કૉન્ક્રીટમાંથી મકાન ચણવાનું કામ પાર પાડવા ઝરેદાની ટીમ ઈન્ડોનેશિયા પહોંચી.

ઈન્ડોનેશિયા વિકાસશીલ દેશોમાં મહત્ત્વના દેશ ગણાય છે એટલે ત્યાં આ જપાની સંશોધકોની ટીમ સસ્તા અને પર્યાવરણને અનુકૂળ બાંધકામના પ્રયોગ માટે મંડી પડી. લૅબોરેટરીમાં સક્સેસફુલ લાગતું ડાયપર-કૉન્ક્રીટ ખરેખર કેવું કામ આપે છે એ તો અહીં જ ખબર પડવાની હતી.