വക്കച്ചൻ തിരക്കിലാണ്

അജ്ഞാതന്റെ ഫോൺ സന്ദേശത്തിൽ സത്യത്തിന്റെ വരകൾ തെളിയുന്നതുപോലെ വക്കച്ചന് തോന്നി

- ജോർ

വക്കച്ചൻ തിരക്കിലാണ്. ഇന്ന് ഡൽഹിയിൽ നാളെ മുംബയിൽ. അടുത്തദിവസം വിദേശത്താരിടത്ത്. അങ്ങനെ പോകുന്നു ബിസിനസുകാരനായ വക്കച്ചന്റെ യാത്രാതിരക്കുകൾ.

നാട്ടിൽ കൊട്ടാരസദൃശമായ വീട്ടിൽ ഭാര്യയും ഏകമകളും കുറേ ജോലിക്കാരും രണ്ടുമൂന്ന് വാഹനങ്ങളും കാവൽനായ്ക്കളും കാവൽക്കാരും മാത്രം.

 ഒരു ദിവസം വക്കച്ചന്റെ മൊബൈലിൽ ബെൽ മുഴങ്ങി.

വക്കച്ചൻ ഫോൺ എടുത്തു.

"ഹലോ....

"മിസ്റ്റർ വക്കച്ചൻ നിങ്ങളുടെ ഭാര്യയെ ഒരാൾ സ്നേഹിക്കുന്നു സൂക്ഷിക്കുക..

പറഞ്ഞതും കോൾ കട്ടായി.

വക്കച്ചനിൽ ഒരു ഞെട്ടലുണ്ടായി.

അയാളുടെ നാവിന് ഒരു തളർച്ച പോലെ.

നെഞ്ചിടിപ്പ് കൂടിയതുപോലെ വക്കച്ചൻ പെട്ടെന്ന് വീട്ടിലേക്ക് ഫോൺ ചെയ്തു.

ഒരുപാട് നേരത്തെ ബെല്ലടി കേട്ടശേഷം ആരോ ഫോൺ എടുത്തു.

മകളായിരുന്നു.

വക്കച്ചന്റെ ശബ്ദം മകൾ തിരിച്ചറിഞ്ഞു.

എന്താ ഡാഡീ ഈ പാതിരായ്ക്ക് വിളിക്കുന്നേ...? ഒന്നുമില്ല.. അമ്മയെ ഒന്ന് വിളി ...

വക്കച്ചൻ ഭാര്യയുടെ ശബ്ദം കേൾക്കാൻ കാതുകൂർപ്പിച്ചു.