ജി.ഐ.എസ്. റിമോട്ട് സെൻസിങ് പഠിക്കാം

സാലൈറ്റ് റിമോട്ട് സെൻസിങ്, ഒപ്റ്റിക്കൽ ഇൻഫ്രാറെഡ് റിമോട്ട് സെൻസിങ്, മൈക്രോ വേവ് റിമോട്ട് സെൻസിങ് എന്നിങ്ങനെ പല തരത്തിലുള്ള വിവരശേഖരണ രീതികളുണ്ട്

- ആരതി കെ.എസ്.

ഭൂമിശാസ്ത്രപരമായി നമുക്ക് പരിഹരിക്കാൻ കഴിയാത്ത പല പ്രശ്നങ്ങളുടെയും പരിഹാരമാണ് ജി.ഐ.എസ്. (ജിയോഗ്രഫിക്കൽ ഇൻഫർമേഷൻ സിസ്റ്റം). നമുക്ക് എത്തിപ്പെടാൻ കഴിയാത്ത എത്ര ഭീകരമായ സ്ഥലങ്ങളുടെയും ചിത്രങ്ങളും വിവരങ്ങളും ഈ സാങ്കേതിക വിദ്യ ഉപയോഗിച്ച് നമുക്ക് ശേഖരിക്കാനും വിശകലനം ചെയ്യാനും കഴിയും. ജി.ഐ.എസിനോടൊപ്പം തന്നെ ചേർത്തു പറയാൻ കഴിയുന്ന ഒന്നാണ് റിമോട്ട് സെൻസിങ്ങ്. ട്രാൻസ്പോർട്ടേഷൻ ട്രാക്കിങ്, കാലാവസ്ഥാ നിരീക്ഷണം, ആരോഗ്യം, ദുരന്തനി വാരണം, കൃഷി, പ്രതിരോധം എന്നീ മേഖലകളിൽ ഈ സാങ്കേതികവിദ്യയുടെ സാധ്യത വലുതാണ്.

വിവരശേഖരണ വഴികൾ

സാലൈറ്റ് റിമോട്ട് സെൻസിങ്, ഒപ്റ്റിക്കൽ ഇൻഫ്രാറെഡ് റിമോട്ട് സെൻസിങ്, മൈക്രോ വേവ് റിമോട്ട് സെൻസിങ് എന്നിങ്ങനെ പല തരത്തിലുള്ള വിവരശേഖരണ രീതികളുണ്ട്. ഗൂഗിൾ മാപ്പ് ജി.ഐ.എസ്. സാങ്കേതിക വിദ്യ വഴിയുള്ള പ്രവർത്തനങ്ങളിലൂടെയാണ് വിവരശേഖരണം സാധ്യമാക്കുന്നത്.

പഠനം എങ്ങനെ ?

ഈ കോഴ്സിന്റെ പഠനത്തിന് സയൻസ് പശ്ചാത്തലം അനിവാര്യമാണ്. കംപ്യൂട്ടർ പ്രോഗ്രാമിങ്ങ്, ഭൗതികശാസ്ത്രം, ഭൂമിശാസ്ത്രം എന്നിവയുമായി ബന്ധപ്പെട്ട വിവരങ്ങൾ കൈകാര്യം ചെയ്യുന്നതിന് സയൻസ് പശ്ചാത്തലം അനിവാര്യമാണ്. പ്ലസ് ടുവിൽ ഗണിതം, ഭൗതിക ശാസ്ത്രം എന്നിവ പഠിച്ചവർക്ക് ഈ കോഴ്സിന്റെ പഠനത്തിൽ മുൻഗണന ലഭിക്കും. ജി.ഐ.എസിൽ എം.എ സി, എം.ടെക് കോഴ്സുകളും നിലവിൽ പല കോളേജുകളിലും യൂണിവേഴ്സിറ്റികളിലും ഉണ്ട്. സയൻസ് പശ്ചാത്തലം ഇല്ലാത്തവർക്ക് ഡിപ്ലോമ ചെയ്യാനും അവസരമുണ്ട്.

ജി.ഐ.എസ്. എക്സ്പേർട്ട്