ബുദ്ധിയെന്ന സ്വത്ത്

ബൗദ്ധിക സ്വത്തുക്കളിൻമേലുള്ള അവകാശം ആധുനിക മനുഷ്യന് ഏറെ വിലപ്പെട്ട ഒന്നാണ്. കലാകാരൻമാർക്കും ഗവേഷകർക്കുമെല്ലാം ഏറെ പ്രധാനപ്പെട്ട ബൗദ്ധിക സ്വത്തവകാശത്തെക്കുറിച്ചും അതിലൂടെ ലഭിക്കുന്ന സംരക്ഷണത്തെക്കുറിച്ചും മനസ്സിലാക്കാം 

- സുരേഷ് വണ്ടന്നൂർ

ഏതൊരു സ്ഥാവരജംഗമ വസ്തുവിന്മേലും നമുക്ക് ഒരളവുവരെ ഒരു വില നിശ്ചയിക്കാൻ സാധിക്കും. എന്നാൽ ബൗദ്ധിക സ്വത്ത് അങ്ങനെയല്ല. വില നിശ്ചയിക്കാൻ സാധിക്കാത്ത ഒന്നാണത്.

മനുഷ്യൻ ബുദ്ധി ഉപയോഗിച്ചുണ്ടാക്കുന്ന ഒരു കണ്ടുപിടിത്തം ചിലപ്പോൾ ഒരാളെ കണ്ണടച്ച് തുറക്കുന്ന വേഗത്തിൽ കോടീശ്വരനാക്കിയേക്കാം. അതിന് ഉദാഹരണമായി നമുക്ക് എടുത്തുപറയാൻ കഴിയുന്നൊരു പേരാണ് ഫേസ് ബുക്ക് സി.ഇ.ഒ മാർക്ക് സുക്കർ ബർഗിന്റേത്.

തൊട്ടറിയാൻ കഴിയാത്ത മനുഷ്യബുദ്ധിയുടെ ഒരു വിഭാഗം നിർമിതികളെയാണ് ബൗദ്ധികസ്വത്തുക്കൾ (intellectual properties) എന്ന് നാം പറയുന്നത്. മനുഷ്യന്റെ കണ്ടുപിടി ത്തങ്ങൾ, സാഹിത്യപരവും കലാപരവുമായ സൃഷ്ടികൾ, ഡിസൈനുകൾ, അടയാളങ്ങൾ, പേരുകൾ, ചിത്രങ്ങൾ എന്നിവയെല്ലാം ഇതിൽപ്പെടും.

എന്തുകൊണ്ട് നിയമം?

വ്യക്തികൾക്ക് അവരുടെ കണ്ടുപിടിത്തങ്ങളുടെ പൂർണ ഫലപ്രാപ്തി മറ്റാരും കവർന്നെടുക്കാതെ സ്വയം കൈവരിക്കാനാകുക എന്നതാണ് പ്രധാനം. ഒപ്പം സൃഷ്ടിയിലൂടെ അവർ അറിയപ്പെടാനും സാമ്പത്തിക നേട്ടമുണ്ടാക്കാനും ഇത് അവസരമൊരുക്കുന്നു.

വ്യത്യസ്ത ബൗദ്ധിക വസ്തുക്കൾ വ്യാപകമായി നിർമിക്കുന്നതിനെ പ്രോത്സാഹിപ്പിക്കുക കൂടിയാണ് ബൗദ്ധിക സ്വത്തവകാശ നിയമം കൊണ്ട് ലക്ഷ്യമിടുന്നത്. കണ്ടുപിടിത്തങ്ങളും മറ്റും പരി പോഷിപ്പിക്കാനും വളർത്തിയെ ടുക്കാനുമുള്ള സാഹചര്യം ഈ നിയമം സൃഷ്ടിക്കുന്നു.

പകർപ്പവകാശം (CopyRight), വ്യാപാര മുദ്ര (Trade Marks), ഭൂപ്രദേശ സൂചിക (Geographical indications), ഡിസൈനുകൾ (Industrial designs), നിർമാണാവകാശം (Patent), കച്ചവട രഹസ്യം (Trade Secret) തുടങ്ങിയവ ബൗദ്ധിക സ്വത്തവകാശങ്ങളിൽ ഉൾപ്പെടും.

നിയമപരമായ പരിരക്ഷയാണ് ബൗദ്ധിക സ്വത്തവകാശ നിയമം നൽകുന്നത്. വ്യാവസായിക അടിസ്ഥാനത്തിലുള്ള ഉപയോഗം, മാർക്കറ്റിങ്, പകർപ്പുകളുടെ നിർമാണം, ഉടമസ്ഥാവകാശം കൈവശപ്പെടുത്തൽ, മറ്റ് ഉത്പന്നങ്ങളിലെ ഉപയോഗം എന്നിങ്ങനെയുള്ള വിഷയങ്ങളിലെല്ലാം ബൗദ്ധിക സ്വത്തവകാശ നിയമം പരിരക്ഷ നൽകുന്നു.

ധാരാളം നിയമങ്ങൾ ബൗദ്ധിക സ്വത്തവകാശവുമായി ബന്ധപ്പെട്ടുണ്ട്. 2012-ൽ ഭേദഗതി വരുത്തിയ പകർപ്പവകാശ നിയമം 1957, ട്രേഡ് മാർക്ക് ആക്ട് 1999, ഡിസൈൻ ആക്ട് 2000, പേറ്റന്റ് ആക്ട് 2005 എന്നിവയെല്ലാം ഇതിൽ ഉൾപ്പെടുന്നു.

ബൗദ്ധിക സ്വത്തവകാശം പ്രധാനമായും അഞ്ചായി തരം തിരിച്ചിരിക്കുന്നു