പാലക്കാട് ഡിവിഷനിൽ റെയിൽവേ ടിക്കറ്റ് ബുക്കിങ് ഏജന്റ്

16 സ്റ്റേഷനുകളിൽ അവസരം കമ്മിഷൻ വ്യവസ്ഥയിൽ നിയമനം

റെയിൽവേയുടെ പാലക്കാട് ഡിവിഷന് കീഴിലുള്ള വിവിധ സ്റ്റേഷനുകളിൽ സ്റ്റേഷൻ ടിക്കറ്റ് ബുക്കിങ് ഏജന്റുമാരെ (എസ്.ടി. ബി.എ.) നിയമിക്കുന്നു.

സ്റ്റേഷനുകളിലെ അൺറിസർവ്ഡ് ടിക്കറ്റിങ് സിസ്റ്റം (യു.ടി.എസ്.) കൗണ്ടറുകളിൽ ടിക്കറ്റ് നൽകുന്നതിനാണ് റെയിൽവേ ഇവരെ ഉപയോഗിക്കുക. 16 സ്റ്റേഷനുകളിലാണ് ഒഴിവുള്ളത്. വിൽക്കുന്ന ടിക്കറ്റിന്റെ നിശ്ചിത ശതമാനം ഏജന്റിന് കമ്മിഷനായി ലഭിക്കും.

ഒഴിവുകൾ ടിക്കറ്റ് വരുമാനത്തിന്റെ അടിസ്ഥാനത്തിൽ സ്റ്റേഷനുകളെ മൂന്ന് നോൺ സബർബൻ ഗ്രൂപ്പുകളായി (എൻ.എസ്.ജി.) തിരിച്ചിട്ടുണ്ട്. എൻ.എസ്.ജി. നാല് വിഭാഗത്തിൽ കാസർകോട്, കാഞ്ഞങ്ങാട്, പയ്യന്നൂർ, കുറ്റിപ്പുറം, ഒറ്റപ്പാലം സ്റ്റേഷനുകളാണുള്ളത്. എൻ.എസ്.ജി.അഞ്ച് വിഭാഗത്തിൽ പട്ടാമ്പി, പരപ്പനങ്ങാടി, കണ്ണപുരം, വാണിയമ്പലം സ്റ്റേഷനുകളും എൻ.എസ്.ജി. ആറ് വിഭാഗത്തിൽ എലത്തൂർ, കോട്ടിക്കുളം, വളപട്ടണം, കടലുണ്ടി, കണ്ണൂർ സൗത്ത്, കല്ലായി, തിക്കോടി സ്റ്റേഷനുകളുമാണുള്ളത്. ഈ 16 സ്റ്റേഷനുകളിലും ഓരോ ഒഴിവുവിതമാണുള്ളത്. എൻ.എസ്.ജി. നാല് സ്റ്റേഷനുകളിൽ ഒരുവർഷത്തേക്കും മറ്റ് സ്റ്റേഷനുകളിൽ മൂന്നുവർഷത്തേക്കുമാണ് നിയമനം.