മിതവാദി സി. കൃഷ്ണൻ അനാചാരങ്ങളെ എതിർത്ത പോരാളി

മിതവാദി പത്രത്തെ തന്റെ പേരിനൊപ്പം ചേർത്ത പത്രാധിപരാണ് സി. കൃഷ്ണൻ. കോഴിക്കോട്ടെ തളി ക്ഷേത്രപരിസരത്തെ നിരത്തിലൂടെ അവർണർ സഞ്ചരിക്കുന്നത് നിരോധിച്ച നടപടിയെ പരസ്യമായി അദ്ദേഹം ലംഘിച്ചു

പത്രത്തിന്റെ പേര് സ്വന്തം പേരിനോടൊപ്പം ചേർത്തു നിർത്തിയ പത്രാധിപരായിരുന്നു മിതവാദി സി. കൃഷ്ണൻ. അയിത്തം ഉൾപ്പെടെയുള്ള അനാചാരങ്ങൾ ക്കെതിരേ പോരാടിയ സാമൂഹിക പരിഷ്കർത്താവും അഭിഭാഷകനും യുക്തിവാദിയുമൊക്കെയായിരുന്നു അദ്ദേഹം.

1867 ജൂൺ 11-ന് മലബാറിന്റെ തെക്കേയറ്റത്ത് ഗുരുവായൂരിനടുത്ത് മുല്ലശ്ശേരിയിൽ ചങ്ങരംകുമാര ത്ത് പാറന്റേയും ഉണ്ണൂലിയുടെയും പുത്രനായി ജനിച്ചു. സമ്പന്ന കുടുംബമായിരുന്നെങ്കിലും ജാതിവിവേച നങ്ങൾ ആ ഈഴവ കുടുംബത്തേയും ബാധിച്ചിരുന്നു. മദ്രാസ് പ്രസിഡൻസി കോളേജിൽ നിന്ന് 1896-ൽ ബിരുദം നേടി. പഠനകാലത്തുതന്നെ പത്രങ്ങളിൽ ലേഖനങ്ങൾ എഴുതിയിരുന്നു. പഠനശേഷം കോഴിക്കോട്ടെത്തി ‘കേരളസഞ്ചാരി' എന്ന പത്രം ഏറ്റെടുത്തു. എന്നാൽ പിതാവിന്റെ എതിർപ്പിനെത്തുടർന്ന് പത്രം മൂർക്കോത്ത് കുമാരനെ ഏൽപ്പിച്ച് നിയമപഠനത്തിനായി മദ്രാസിലേക്ക് പോയി. ബി.എൽ. പാസ്സായി കോഴിക്കോട്ട് 10 മടങ്ങിയെത്തിയ സി. കൃഷ്ണൻ 1903-ൽ ജില്ലാ കോടതിയിൽ വക്കീൽ ആയി പ്രാക്ടീസ് ആരംഭിച്ചു.