ലോകകിരീടം ചൂടി അർജന്റീന

FIFA WORLD CUP

- വിഷ്ണു രാമകൃഷ്ണൻ

മൂന്നാം ലോകകപ്പ് കിരീടത്തിൽ മുത്തമിട്ട് അർജന്റീന. പെനാൽറ്റി ഷൂട്ടൗട്ടിൽ ഫ്രാൻസിനെ 4-2 ന് പരാജയപ്പെടുത്തിയാണ് അർജന്റീന കിരീടം സ്വന്തമാക്കിയത്. ഇരുടീമുകളും മൂന്ന് വീതം ഗോൾ നേടിയതോടെയാണ് മത്സരം പെനാൽറ്റി ഷൂട്ടൗട്ടിലേക്ക് നീണ്ടത്.

36 വർഷങ്ങൾക്കു ശേഷമാണ് അർജന്റീന ലോകകപ്പ് സ്വന്തമാക്കുന്നത്. ലോകകപ്പ് ഫൈനലിൽ പെനാൽറ്റി ഷൂട്ടൗട്ടിലൂടെ വിജയിക്കുന്ന മൂന്നാമത്തെ ടീം ആണ് അർജന്റീന,

 ടൂർണമെന്റിലെ മികച്ച താരത്തിനുള്ള ഗോൾഡൻ ബോൾ ലയണൽ മെസി സ്വന്തമാക്കി. ഏറ്റവും കൂടുതൽ ഗോൾ നേടിയ താരത്തിനുള്ള ഗോൾഡൻ ബൂട്ട് ഇത്തവണ നേടിയത് ഫ്രാൻസിന്റെ കിലിയൻ എംബാപ്പയാണ്. എട്ട് ഗോളുകളാണ് താരം നേടിയത്. മികച്ച യുവതാരത്തിനുള്ള പുരസ്കാരം അർജന്റീനയുടെ എൻസോ ഫെർണാണ്ടസും മികച്ച ഗോൾ കീപ്പർക്കുള്ള ഗോൾഡൻ ഗ്ലൗ അർജന്റീനയുടെ തന്നെ എമിലിയാനോ മാർട്ടിനെസും നേടി.

ആദ്യന്തം ആവേശം നിറഞ്ഞ ലോകകപ്പിന്റെ ക്വാർട്ടർ ഫൈനലിൽ ബ്രസീൽ, പോർച്ചുഗൽ, ഇംഗ്ലണ്ട്, നെതർലൻഡ്സ് അടക്കമുള്ള ടീമുകൾ നിലംപതിച്ചപ്പോൾ അർജന്റീന, ഫ്രാൻസ്, ക്രൊയേഷ്യ, മൊറോക്കോ എന്നീ ടീമുകൾ ഐതിഹാസികമായ മുന്നേറ്റമാണ് നടത്തിയത്.