സർവകലാശാലാ അസിസ്റ്റന്റ് 5,59,733 അപേക്ഷകർ

കഴിഞ്ഞ തവണത്തെക്കാൾ 1.93 ലക്ഷം അപേക്ഷ കുറഞ്ഞു

സർവകലാശാലകളിൽ അസിസ്റ്റന്റാകാനുള്ള അപേക്ഷകരുടെ എണ്ണത്തിൽ വലിയ കുറവ്. കഴിഞ്ഞ വിജ്ഞാപനത്തെക്കാൾ 1,93,386 അപേക്ഷകർ ഇത്തവണ കുറഞ്ഞു. കംപ്യൂട്ടർ അസിസ്റ്റന്റ് വിജ്ഞാപനത്തിന് 5,427 അപേക്ഷകരുടെ കുറവുണ്ടായി.

അസിസ്റ്റന്റ് വിജ്ഞാപനത്തിന് ഇത്തവണ 5,59,733 പേരാണ് അപേക്ഷിച്ചത്. കഴിഞ്ഞ വിജ്ഞാപനത്തിന് 7,53,119 അപേക്ഷകൾ ലഭിച്ചിരുന്നു. ഇത്തവണ അത് എട്ടു ലക്ഷമാകുമെന്നാണ് പ്രതീക്ഷിച്ചത്.

കംപ്യൂട്ടർ അസിസ്റ്റന്റിന് ഇത്തവണ 25,150 അപേക്ഷകൾ ലഭിച്ചു. കഴിഞ്ഞ തവണ 30,577 അപേക്ഷകരുണ്ടായിരുന്നതാണ്.