ടൈപ്പിസ്റ്റ് നിയമനം ഇഴഞ്ഞിഴഞ്ഞ് കാലാവധി തികയാൻ 6 മാസം മാത്രം

തസ്തിക വെട്ടിക്കുറയ്ക്കൽ തുടരുന്നു

തസ്തികകൾ വെട്ടിക്കുറച്ചും ഒഴിവുകൾ റിപ്പോർട്ടു ചെയ്യാതെയും എൽ.ഡി. ടൈപ്പിസ്റ്റ് നിയമനം ഇഴഞ്ഞു നീങ്ങുന്നു. രണ്ടരവർഷം പിന്നിട്ട റാങ്ക് പട്ടികയ്ക്ക് ഇനി കേവലം ആറുമാസമേ കാലാവധിയുള്ളൂ. 14 ജില്ലകളിലായി ഇതുവരെ 1267 നിയമനശുപാർശയാണ് നടന്നത്. ഏറ്റവും കൂടുതൽ നിയമനശുപാർശ തിരുവനന്തപുരത്തും (158 എണ്ണം കുറവ് വയനാട്ടിലുമാണ് (55 എണ്ണം).

തിരുവനന്തപുരം, എറണാകുളം, കോഴിക്കോട് എന്നീ ജില്ലകളിൽ മാത്രമാണ് നിയമനശുപാർശ 100 പിന്നിട്ടത്. തൃശ്ശൂരിൽ നിയമനം നൂറിലെത്തി. മറ്റ് ജില്ലകളിലെല്ലാം നിയമനങ്ങൾ താരതമ്യേന കുറവാണ്.

അസിസ്റ്റന്റ്, ക്ലാർക്ക് തസ്തികകൾക്ക് ടൈപ്പിങ് വേഗം നിർബന്ധമാക്കി, ടൈപ്പിസ്റ്റ് തസ്തികകൾ നിർത്തലാക്കാനാണ് സർക്കാർ നീക്കം. സെക്രട്ടേറിയറ്റിലുൾപ്പെടെ വിവിധ വകുപ്പുകളിൽ അസിസ്റ്റന്റ്, ക്ലാർക്ക് ജോലിയിൽ പ്രവേശിക്കു ന്നവർക്ക് പ്രൊബേഷൻ പൂർത്തിയാക്കുന്നതിന് കംപ്യൂട്ടറിൽ ടൈപ്പിങ് വേഗം നിർബന്ധമാക്കി ഉത്തരവിറക്കി.