ஒரு குடும்பத்தின் கண்ணீர்க் கதை!

பல வருடங்களாக வீடில்லாமல்‌ மரத்தடியில்‌ சமைத்துச்‌ சாப்பிட்டு புத்தகம்‌, துணிமணிகளை சாக்கு மூட்டையில்‌ கட்டி பழைய வைக்கோல்‌ பந்தலுக்காக போடப்பட்ட பட்டறையில்‌ வைத்‌ தும்‌, தன்‌ உடமைகளை கழிவறையில்‌ வைத்தும்‌ வாழ்ந்துவரும்‌ ஒரு குடும்பத்தைப்‌ பற்றி குளமங்கலம்‌ பாரதப்‌ பறவைகள்‌ அறக்கட்டளை' மூலம்‌ அறிந்து அந்த கிராமத்திற்கு சென்று பார்த்தோம்‌.

- பகத்சிங்‌

புதுக்கோட்டை மாவட்டம்‌ அறந்தாங்கி ஒன்றியத்தில்‌ உள்ளது திருநாஞூர்‌ தெற்கு கிராமம்‌. இந்த கிராமத்தைச்‌ சேர்ந்தவர்‌ செல்வராஜ்‌. கடந்த 20 வருடங்களுக்கு முன்பு திருமணமாகி தனது முன்னோர்கள்‌ கட்டிய பழைய பெரிய வீட்டில்‌ வசித்துவந்தனர்‌. அடுத்தடுத்து 3 பெண்‌ குழந்தைகள்‌, 4-வதாக ஒரு அண்‌ குழந்தை பிறந்த நிலையில்‌ செல்வராஜின்‌ மனைவியுடன்‌ ஏற்பட்ட கருத்து வேறுபாடுகள்‌ அதிகமாக, செல்வராஜின்‌ அத்தையின்‌ குடும்பமும்‌ இங்கு வந்துவிட, மேலும்‌ சுமை அதிகரித்தது. அத்தை மகளும்‌ தினமும்‌ மாத்திரை சாப்பிடவேண்டிய நோயாளி. ஒருகட்டத்தில்‌ செல்வராஜின்‌ மனைவி தன்‌ அண்‌ குழந்தையுடன்‌ கிளம்பிவிட, செல்வராஜ்‌, தன்‌ 3 பெண்‌ குழந்தைகளுடன்‌ ஊரைவிட்டே கிளம்பிவிட்டார்‌. இருந்த மண்வீடும்‌ கஜா புயலையொட்டி இடிந்து தரைமட்டமாகிவிட்டது.

பாரதப்‌ பறவைகள்‌ புஷ்பராஜ்‌ நம்மிடம்‌, "இப்படி ஒரு குடும்பம்‌ இருப்பதைப்‌ பற்றி சிலர்‌ சொன்னவுடன்‌ பாரதப்‌ பறவைகள்‌ அமைப்பினர்‌ வந்து பார்த்ததும்‌ ரொம்ப மனசு கஷ்டமாகவிடுச்சு.

எங்கள்‌ அறக்கட்டளை உறுப்பினர்கள்‌ சேர்ந்து ஒரு அஸ்பெட்டாஸ்‌ கொட்டகை அமைக்கலாம்‌ என்று முடிவெடுத்திருக்கிறோம்‌. தமிழ்நாடு அரசும்‌, இதுபோல கஷ்டப்படுவோருக்கு உதவும்‌ நல்ல எண்ணம்படைத்த உள்ளங்களும்‌ உதவினால்‌ இந்த குடும்பத்திற்கு நீண்ட காலத்திற்கான நல்ல வீடா கட்டிக்கொடுக்கலாம்‌" என்றார்‌.