ஆடுமலைக்கு ஆப்பு வைக்கும் இருவர்!

ஒரு கெட்டவனுக்கு எதிராகக் காலத்தின் ஓட்டத்தில் அனைவரும் திரும்புவார்கள் என்பது ஆடுமலை விசயத்தில் உறுதியாகியிருக்கிறது. அவரது மச்சான் சிவக்குமாருக்கு எதிராக வருமான வரித்துறை எடுத்துவரும் நடவடிக்கை பா.ஜ.க. புள்ளிகளையே ஆச்சரியப்பட வைத்திருக்கிறது.

- தாமோதரன் பிரகாஷ்

செந்தில்பாலாஜிக்கு எதிராக அவரை கைது செய்தே ஆகவேண்டும் என அமித்ஷாவிடம் நேரடியாக உட்கார்ந்து பேசி, அ.தி.மு.க. ஆட்சிக் காலத்தில் நடந்த போக்குவரத்துத்துறை ஊழலில் அமலாக்கத்துறை மூலம் வழக்குப் பதிவு செய்யவைத்து அதைப்பற்றி அமலாக்கத்துறை விசாரித்துக்கொண்டிருக்கும் சூழலிலேயே அடம்பிடித்து அவரை கைதுசெய்ய வைத்தவர் ஆடுமலை. ஆடுமலை கையிலே கட்டியிருந்த ரபேல் வாட்ச் பற்றிய பில் விவரங்களை செந்தில்பாலாஜி சமூக வலைத்தளங்களில் வெளியிட்டதன் விளைவாக கோபமடைந்த ஆடுமலை நடத்திய இந்த திருவிளையாடலின் விளைவாக செந்தில் பாலாஜிக்கு மாரடைப்பே வந்தது. இருதய அறுவை சிகிச்சை செய்துகொள்ளும் அளவிற்கு செந்தில்பாலாஜி தள்ளப்பட்டார். ஆடுமலையை பகைத்துக்கொண்டால் ஐ.டி. ரெய்டு வரும், அமலாக்கத்துறை ரெய்டு வரும் என்ற நிலை இருந்தது.