శేషేంద్ర శర్మ సాహిత్య హక్కులు ఆయన కొడుక్కే

నేనింత ఒక పిడికెడు మట్టే కావచ్చు. కాని కలమెత్తితే ఒక దేశపు జెండాకున్నంత పొగరుంది.

17 ఏళ్ల సుదీర్ఘ విరామం తర్వాత మన న్యాయవ్యవస్థ కాపీరైట్ల వెనకున్న గుట్టు విప్పింది. ప్రముఖ కవి గుంటూరు శేషేంద్ర శర్మ గ్రంథ హక్కులు ఎవరికి వర్తిస్తాయనే వ్యవహారంలో కోర్టు స్పష్టత ఇచ్చింది. గ్రంథ హక్కులన్నీ శేషేంద్ర శర్మ సొంత కుమారుడు సాత్యకికే సంక్రమిస్తాయని, ఆయన భార్యగా చెబుతున్న ఇందిరా ధనరాజ్ గిరికి వర్తించవని తెలంగాణ హైకోర్టు తీర్పు ఇచ్చింది. తన కుమారుడైన సాత్యకికి పుస్తకాలపై హక్కుల్ని శేషేంద్ర శర్మ 1989లోనే రాసిచ్చినట్టు గుర్తించింది. ఇందిర సమర్పించిన పత్రాలు నకిలీవని తేల్చి చెప్పింది.

ప్రస్తుత వివాదం వివరాలేమిటంటే... "2007లో తెలుగు యూనివ ర్శిటీకి ఇందిరా దేవి ధనాజర్ ఆరు లక్షలు ఇచ్చి నాన్న పుస్తకాలు అచ్చు వేయించే ప్రయత్నం చేసింది. కాపీ రైట్స్ నాన్న ఆమెకు రాసిచ్చి నట్టు ఒక పత్రాన్ని కూడా కూడా తెలుగు యూనివర్శిటీకి సమర్పిం చింది. నేను లీగల్ నోటీసు ఇచ్చే సరికి తెలుగు విశ్వవిద్యాలయం ఆ డబ్బును, ఆ పత్రాన్నీ ఆమెకు తిరిగి ఇచ్చింది. దీంతో ఆమె ఆ పత్రాన్ని కోర్టుకు సమర్పించారు. కోర్టు ఆ పత్రాన్ని తెలంగాణ ఫోరెన్సిక్ ల్యాబ్కి పంపింది. అది నకిలీదని, నాన్న శేషేంద్ర శర్మ సంతకాన్ని ఫోర్జరీ చేశారని కోర్టు నిర్ధారించింది” అన్నారు గుంటూరు శేషేంద్ర శర్మ కుమారుడు సాత్యకీ. ఇందిరా ధనరాజ్ గిరి రూపొందించిన పత్రం ప్యాలెస్ కుట్రని, ఫోరెన్సిక్ అనాలిసిస్, కోర్టు ద్వారా అది నిరూపితమైం దని తెలుగు యూనివర్శిటీ వైస్ ఛాన్సలర్ గా ఉన్న ప్రొఫెసర్ సత్యనారాయణ చెబుతున్నారు. మొత్తం మీద శేషేంద్ర శర్మ నిర్దోషి అని రుజువైంది. ఆమె ఒత్తిడికి, చిత్రహింసలకు లొంగకుండా శేషేంద్ర శర్మ తన కుమారుని వైపే నిలిచారన్నది కూడా నిర్ధారణ అయింది..