4.8.2024 నుంచి 10.8.2024 వరకు

4.8.2024 నుంచి 10.8.2024 వరకు

- డా||ఈడ్పుగంటి పద్మజారాణి

(గమనిక: వ్యక్తిగత జాతకము అనగా వ్యక్తి పుట్టి నపుడు అతని సమయం, స్థలం, జన్మ వివరాలు ఆధారముగా నిర్మించిన జన్మకుండలి ప్రకారము వ్యక్తికి నడుస్తున్న దశలు, అంతర్దశలు ప్రధానము.గోచారం ఫలితాలు చూసుకునేటప్పుడు ప్రధానముగా వ్యక్తిగత జాతకము లోని దశ అంతర్దశలు కూడా కలిపి చూసుకోవాలి. గోచార రీత్యా రాశి ఫలాలు అశుభము గా ఉండి దోషాలు ఉన్నప్పటికీ, జననకాల దశ ఫలములు శుభము గా ఉంటే రాశి ప్రస్తుత అశుభ ఫలితాలు స్వల్పంగానే ఉంటాయి.చిన్న చిన్న పరిహారాలు పాటించి శుభ ఫలితాలు పొందగలరు)

మేష రాశి

అశ్వని 1,2,3,4 పాదములు, భరణి 1,2,3,4 పాదములు కృత్తిక 1వ పాదము

వారం ప్రారంభంలో జీవిత భాగస్వామితో మాట పట్టింపులు లేకుండా ముందుకు వెళ్లాలి. విద్యార్థులు తమ విద్య మీద కాన్సెంట్రేట్ చేయాలి. నూతన విషయాలు తెలుసుకుంటారు. ఆహార స్వీకరణ మీద శ్రద్ధ చూపించాలి. గృహంలో వాతా వరణం ఆత్మీయుల రాకతో కలివిడిగా ఉంటుంది. ముఖ్యమై న భాగస్వామ్య విషయాల్లో మానసిక ప్రశాంతత తక్కువగా ఉంటుంది. వృత్తిపరంగా కొత్త బాధ్యతలు శ్రమ చికాకు అధికంగా ఉంటుంది. వారం మధ్యలో మనసు ఉల్లాసంగా ఉంటుంది, ఆత్మీయ మిత్రులతో, తోబుట్టువులతో కలసి దీర్ఘ కాలిక ప్రణాళికలు నూతన పెట్టుబడులు వ్యాపార నిమిత్తం కొత్త ఆలోచనలు చేస్తారు. సంఘంలో గుర్తింపు గౌరవం ఆలోచన ఉద్వేగ భరితంగా ఉంటాయి. దూర ప్రదేశాల్లో ఉ ండే తోబుట్టువులని సంప్రదిస్తారు.

వృషభరాశి

కృత్తిక 2,3,4 పాదములు, రోహిణి 1,2,3,4 పాదములు మృగశిర 1,2 పాదములు

ఈ రాశి వారికి వారం ప్రారంభంలో కమ్యూనికేషన్ బాగుం టుంది. ముఖ్యమైన అంశాలలో ఇతరులకు మధ్యవర్తిత్వం చేసేటప్పుడు జాగ్రత్తలు తీసుకోవాలి. దగ్గర ప్రయాణాలు, మిత్రులను బంధువులను కలుస్తారు విద్యార్థులు పోటీల కోసం గట్టిగా కృషి చేస్తారు. శ్రమకి తగిన గుర్తింపు కోసం ప్రయత్నాలు అధికం చేస్తారు. తోబుట్టువులతో అభిప్రాయ బెదములు రాకుండా నిదానంగా వ్యవహరించాలి. దూర ప్రయాణాల కొరకు ఆలోచనలు చేస్తారు. వృత్తిపరంగా దూరదేశాలలో నూతన అవకాశాలు. వారం మధ్యలో గృహ వాతావరణం ఘర్షణత్మకంగా ఉంటుంది. ఆత్మీయ మిత్రులు తోబుట్టువుల సలహాతో నూతన గృహ నిర్మాణ ఆలోచనలు, దీర్ఘకాలిక పెట్టుబడులు, ఇంతకుముందు ఉన్న భూసంబంధ అంశాలని అమ్మకానికి ప్రయత్నాలు.

మిధున రాశి