కాస్మిక్ వెలుగుల జాడకై మరో ప్రయాణం...!

ఆది మానవుల నుంచి నేటి ఆధునిక మానవుల దాకా, శతాబ్దాల నాగరికత వినీలాకాశంలోని అనంత నక్షత్రాల ఆవిర్భావం గురించి అన్వేషణ కొనసాగిస్తూనే ఉంది.

- ఫిజిక్స్ అరుణ్ కుమార్ . 9394749536

ఆది మానవుల నుంచి నేటి ఆధునిక మానవుల దాకా, శతాబ్దాల నాగరికత వినీలాకాశంలోని అనంత నక్షత్రాల ఆవిర్భావం గురించి అన్వేషణ కొనసాగిస్తూనే ఉంది. అసలు ఈ విశ్వం ఎలా ఏర్పడింది? గెలాక్సీ లు, నక్షత్రాలు, గ్రహాలు వంటివన్నీ ఎలా ఏర్పడ్డాయి? భూమి లాంటి గ్రహాలు ఇంకా ఏమైనా వున్నాయా?మన లాంటి మనుషులు అంతరిక్షంలో వుండే అవకాశం ఎక్కడైనా వుందా? వాతావరణం మరియు నీళ్ళు ఇంకా ఎక్కడైనా వున్నాయా? వంటి ఎన్నో కోటానుకోట్ల ప్రశ్నలపై మనిషి జిజ్ఞాస, నిరంతర శోధన కొనసాగుతూనే వుంది. అనంత విశ్వ రహస్యాలను అధ్యయనం చేయడమే అంతిమ లక్ష్యంగా ఆల్బర్ట్ ఐన్ స్టీన్, స్టీఫెన్ హాకింగ్ వంటి ఎంతోమంది శాస్త్రవేత్తలు తమ జీవితాల్నే త్యాగం చేశారు. తాజాగా అమెరికా అంతరిక్ష పరిశోధనా సంస్థ నాసా చేపట్టిన భారీప్రయోగం స్పియరెక్స్ టెలిస్కోప్ అబ్జర్వేటరీ మళ్ళీ యావత్ ప్రపంచానికి ఓ సరికొత్త సవాల్ గా మారింది. ఎలాన్ మస్క్ కు చెందిన స్పేస్ ఎక్స్ సంస్థ ఆధ్వర్యంలో కాలిఫోర్నియా నుంచి స్పియరెక్స్ టెలిస్కోప్ అబ్జర్వేటరీ ను, నాలుగు ఉపగ్రహాలతో కలిపి నాసా విజయవంతంగా అంతరిక్షంలోకి పంపింది.